Karloman van Beiern

Karloman (830-29 november 880) was den oudste zeune van Lodewyk den Duuts en Emma, dochter van groaf Welf.

Karloman van Beiern

830- 880
Lienks Karloman me zyn twi broers Lodewyk en Karel
Keunienk van Beiern
Periode 876-880 Vôorganger Lodewyk den Duuts Ipvolger Lodewyk de Joungn
Keunienk van Italië
Periode 877-879 Vôorganger Karel de Kletsn Ipvolger Karel den Dikkn
Voader Lodewyk den Duuts Moeder Emma

Achter 'n dôod van zyn voader in 876 wierd Oost-Francië volgns de divisio regnorum verdêeld ounder zyn drie zeuns. Karloman krêeg Beiern, Lodewyk krêeg Saksn en Karel krêeg Zwaabn (Alemannië).

Achter 'n dôod van Karel de Kletsn in 877 volgde zyn zeune Lodewyk den Hakkeloare hem ip in West-Francië en Provence en Karloman volgdeg' hem ip in Italië. Je wildeg' ook de keizerskrône, mor in 879 krêegt 'n e beroerte. Je most doadeure zyn bezittiengn verdêeln ounder zyn broers. Lodewyk krêeg Beiern en Karel krêeg Italië.

Karloman stierf in 880. J’had ollêne mor e bastoardzeune me Liutwindis, Arnulf van Karinthië, die van 876 hertog van Karinthië was en loater keunienk van Ôost-Francië en Italië kwam en ook Rôomse keizer.

Verdêlienge achter 'n dôod van Lodewyk den Duuts in 876. Karloman (purper), Lodewyk de Joungn (groen), Karel den Dikkn (roze).

Achter 'n dôod van keizer Karel de Kletsn in 877 kwam Karloman ook keunienk van Italië