Oost-Francië
From Wikipedia, the free encyclopedia
Remove ads
Oost-Francië was ’t keunienkryk van Lodewyk den Duuts, achter dat ’t Frankisch Ryk in drieën verdeeld was by ‘t Verdrag van Verdun in 843.
’t Ryk wierd verdêeld ounder de drie zeuns van Lodewyk de Vroomn.
- Den oudstn, keizer Lotharius I, krêeg Middn-Francië
- Lodewyk den Duuts krêeg Oost-Francië
- Karel de Kletsn krêeg West-Francië
Oost-Francië bestound uut de stamhertogdomn:
- Frankn of Franconië, et land van de Frankn (Latyn: Franci of gens Francorum)
- Saksn, et land van de Saksn (Latyn: Saxones)
- Beiern et land van de Baiuwoarn (Latyn: Bavarii)
- Zwaabn, et land van de Sueevn w.o. de Alemann (Latyn: Suebi en Alemanni)
- In 903 kwam Lotharingen et vuufde stamhertogdom.
In 870 wierd ‘t Verdrag van Meerssen getêeknd. Lotharingen van Lotharius II van Middn-Francië wierd gelykig verdêeld ounder zyn twi nounkels:
- Lodewyk den Duuts krêeg Aken, twi derdn van Friesland, en ’t gebied ten ôostn van de Moas, de boovnlope van de Moezel en de nôordelikke Jura.
- Karel de Kletsn krêeg olles ten westn der van.
In 880 wierd ‘t Verdrag van Ribemont getêeknd. ’t Stik van Lotharingen, dat achter ’t verdrag van Meerssen by West-Francië gekommn was, kwam nu ook by Oost-Francië.
‘t Was de latste verdêlienge van ‘t Frankisch Ryk en die grenze tusschn Frankryk en Duutsland blêeft de reste van de Middelêeuwn bykan ounveranderd.
Lodewyk et Kiend (899-911), zeune van Arnulf van Karinthië, was de latste Karolingische keunienk van Oost-Francië. De volgnde keuniengn wierdn verkoozn:
- Konrad I (911-918)
- Hendrik I de Veugeloare (919-936)
Hendrik de Veugeloare haad ip 't ende van zyn leevn ol de Duutsche stammn verênigd in êen keunienkryk. Doadeure wordt ie anzien ols de stichter van 't middelêeuws Duutsland.
Remove ads
Keuniengn in Oost-Francië
Karoliengers
Konradyners
Liudolfiengers
Kykt vo zyn ipvolgers no de Rôoms-Duutsche keuniengn en keizers.
Remove ads
Wikiwand - on
Seamless Wikipedia browsing. On steroids.
Remove ads