Kaedyper

Kaedyper^[1] of Kwoadyper (Frans: Quaëdypre, Nederlands: Kwaadieper) es e gemêente in Vrankryk in't Noorderdepartement. 't Ligt in Frans-Vloandern up't schee'n van't Outland en't Blootland.

Kaedyper Quaëdypre
Kaedyper in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Wormhout
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	18.7 km²
Inweuners
Inweuners Bevolkiengsdichtheid	1122 (2022) 61 inw./km²
Andere
Burgemêester	Jean-Claude Dekeister 2020-2026
Postcode	59380
Webadres	http://www.quaedypre.fr/

Geografie

't Grenst an de gemêentn Ooimille, Warrem, Westkappel, Wilder, Wormhout, Ekelsbeke, Soks en Bergn. In de gemêente liggn ôok nog de gehuchtn Klap Hoek, Croix Rouge, Byssaert en Vyf-Weg.

Histoorie

In tydde van de Romein'n liep de boane tussch Kassel en de Nôordzêe deur 't gebied. Der es zelfs e munte van den Romeinschn keyzer Nero gevoundn in Kaedyper. Kaedyper zelve ontstound in 1067 achter de droogleggienge van de streke in den tiendn en elfdn êeuwe. In 1220 ad 't dorptje de noame Quatipra en derachter in 1393 komt de noame Quaedyper veurn. Etymologische geziene kunn'n der twêe explikoasches zyn vo de noame, tewoare komt ze van kwoad in de zinne van "slicht" en ieper van den bôom iep, tewoare komt ze van kwoad in de zinne van "klêen" en ieper na 't stad Ieper. De latste explikoasche es te verantwôordn me da Kaedyper vroegr by't Groafschap Vloandern zat en by 't bisdom van Ieper ôordigde. D' abdeye van Sint-Winok uut Bergn bezat in tydde de kerke van Kwoadyper en verschillige and're.

Bezienswoardigeedn

In Kaedyper stoat de Sinte-Omaerskerke uut 't begun van de zeevntiende êeuwe.
Militair Kerkof van Croix Rouge, Commonwealth War Graves Commission kerkof.

• 
  De Sinte-Omaerskerke in Kaedyper
• 
  Militair Kerkof van Croix Rouge

Bekende inweuners

De koereur Pierre Everaert (1933-1989) wos afkomstig uut Kaedyper, juste lyk Ève Gilles (2003), Miss France 2024.