Lissewege
From Wikipedia, the free encyclopedia
Remove ads
Remove ads
Lissewege is 'n dorptje in de Belgische provincie West-Vloandern en e dêelgemêente van Brugge. 't Dorptje zelve telt (2007) 2453 inweuners, moa hêel de dêelgemêente (woa dat ook de dorpn Zêebrugge en Zwankendamme in liggn) èt er meer dan 7000. Deur 't groundgebied va Lissewege lopt 't Boudewynkanoal, den yzern weg no Knokke en no d'ave van Zeebrugge en 't is ton nog in tween gesneen deur de grote boane van d'ave no 't binnland. 't Polderdorp Lissewege ligt ip 'n boogscheute van de kuste (Zêebrugge, Heist, Blanknberge) en 12 km van 't nog vil oukdere Brugge.
Remove ads
Geschiedenisse
In de achtste eeuwe was de kustvlakte van Lissewege e schorregebied me kreekn. Os 't gebied ipdroogt kommn d'r Friezn en Saksische boern met under schoapn noa de Lisseweegse vlakte. De dialectn uut 't Noordn schemern nog deure in 't dialect van nu. De noame Liswega (uus van Liso) stoat vo 't eerst vermeld in oorkondn van de elfste eeuwe.
Beziensweirdigeedn
- Kyk noa Bouwkundig erfgoed in Lissewege
- De monumentoale kerke van Onze-Lieve-Vrouwe Bezoekienge, gebouwd in de 13ste êeuwe.
- 't Stambild van de legendarische broeder-ridder Willem van Saeftinghe ip de markt, anders genoemd "ounder de torre", 'n groep bilden van den West-Vlamschen bildouwer Jef Claerhout.
- Ter Doest, een abdye van de poaters cisterciënzers, me een styve grôte 13ste êeuwse abdyscheure.
- 't Lisseweegs Varretje, een oukd kanoaltje dweisdeur 't midden van 't dorptje
- Lissewege, "'t wit dorp" genoemd, et vele van z'n ôorsprounkelikeid uut den oudn tyd gespoard, mè z'n klêne stratjes en uzetjes.
- Ieder joar in de zomer ist er ook de "beeldenroute" en 't "lichtfeest".
 |
 |
 |
Remove ads
Koppeliengn nor elders
 |
Ofbeeldiengn die ier by passn ku je vien in de categorie Lissewege van Wikimedia Commons. |
Wikiwand - on
Seamless Wikipedia browsing. On steroids.
Remove ads