Lodewyk I van Hongareye

Lodewyk I van Hongareye, (Hongaars: Nagy Lajos; Krowoatisch: Ludovik Veliki; Pools: Ludwik Węgierski), bygenoamd de Grôotn, van 't Huus Capet-Anjou, (Visegrád, 5 moarte 1326 - Nagyszombat, keunienkryk Hongareye (nu Trnava in Slovakeye), 10 september 1382), was keunienk van Hongareye en Krowoasje van 1342 en keunienk van Pooln van 1370.

Lodewyk I

1326-1382
Keunienk van Hongareye en Krowoasje
Periode 1342-1382 Vôorganger Karel I Robert Ipvolger Maria van Hongareye
Keunienk van Pooln
Periode 1370-1382 Vôorganger Casimir III de Grôotn Ipvolger Hedwig van Anjou
Voader Karel I Robert Moeder Elisabeth van Pooln

Je was de derde zeune van Karel I Robert van Hongareye en Elisabeth van Pooln. Zyn twi oudere broers, Karel en Ladislas, woarn jounk gestorvn.

Achter 'n dôod van zyn voader in 1342, kwam Lodewyk keunienk van Hongareye. Ip 21 juli 1342 wierd ie gekrôond in Székesfehérvár.

Omda zyn nounkel, keunienk Casimir III van Pooln, gin zeuns haad, wist Lodewyk al van in 1351 dat ie den ipvolger van de Poolsche trôone zou zyn. Casimir stierf in 1370 en Lodewyk wierd ip 17 november 1370 in Kraków tout keunienk van Pooln gekrôond. Je stelde zyn Poolsche moeder an als regentesse en je kêerde zelve were noar Hongareye.

Vrouwn en jounges

Lodewyk trouwde tusschn 1342 en 1345 me Margaretha van Luxemburg, dochter van de loatere keizer Karel IV en zyn êeste vrouwe Blanche van Valois. Met heur haad ie gin jounges.

J'ertrouwde in 1353 met Elisabeth, dochter van Stefanus II, ban (landvoogd) van Bosnië. Met heur haad ie vier jounges:

• Maria (1365-1366)
• Catharina (1370-1378)
• Maria (1371-1395), keuniginne van Hongareye, trouwde in 1385 me Sigismund van Luxemburg
• Hedwig van Anjou (1373-1399), keuniginne van Pooln, trouwde in 1386 me grôotvorst Jogaila van Litouwn.

't Woapnschild van Lodewyk I
Lienks: de woapns van Hongareye met et Frãns woapn (Capet-Anjou); Reks: de Poolschn oarend en de Krowoatische lêeuwekoppn

Ofbeeldiengn die ier by passn ku je vien in de categorie Louis of Anjou, King of Hungary and Poland van Wikimedia Commons.