Loon (Vrankryk)
From Wikipedia, the free encyclopedia
Remove ads
Loon (Frans: Loon-Plage) es e gemêente in Vrankryk in't Noorderdepartement. 't Ligt in Frans-Vloandern in't Blootland, binn'n de steedelyke agglomeroasje van Duunkerke, an d'Opoalkust. 't Grenst an de gemêentn Duunkerke (Mardyk), Spyker, Broekkerke, Kroaiwyk, Sint-Joris (Vrankryk) en Grevelingn. Langsn de zuudkant van de gemêente loopt de Broekburgvoart, die der de grenze vormt me Broekkerke.
.svg)
Remove ads
Geschiedenisse
Ôosprounkelyk wos't groundgebied van d'uudige gemêente Loon moar e klêen eilandje, mor achter de drôogleggienge van't Blootland an 't ende van den elfn êeuwe wierd et verboundn me't vasteland. An't ende van de twoalfde êeuwe wierd Loon en echt dorptje mo byst hêel 't Ancien Regime wierd et bedreygd enerzyds deur overstrôomiengn en anderszyds deur ôorloogn vanwege zyn liggienge dichte by de grenze tusschn 't Groafschap Vloandern en Vrankryk.
In 1800 wierd Loon officiël erkend lyk zelfstandige gemêente en in 1889 wierd beslootn van de noame van de gemêente te verandern na Loon-Plage, vo confuuzje te vermydn me de gelykklienkende stad Laon in't Aisne-departement. Loon wierd vanof ton e badplekke me de bouwe van e cazjeno, en hotel en treffente animoasjes. De latste decennia zyn grôote stikkn van Loon straf g'industrialiseerd deur d'uutbreydienge van de zêehoavn van Duunkerke. 't Es ton ôok eigntlyk ip't groundgebied van Loon da de ferry van Duunkerke na Dover vertrekt.
 |
Ofbeeldiengn die ier by passn ku je vien in de categorie Loon-Plage van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads