Silezisch

Silezisch (ślůnsko godka, ślůnski, en van tyd ook pů našymu) is e toale die geklapt wordt deur menschn in Opper-Silezië, e regio in Pooln, moar ook in Tsjechië en in Duutsland. By de nationale volkstellienge in Pooln in 2011 en d’r 509 000^[1] menschn verkloard da ’t Silezisch under moedertoale is.

Vôorbild van 't gebruuk van de Silezische toale: 't Pools voe blommewienkel (kwiaciarnia) stoat nefferst 't Silezisch voe blommn en cadeaus (Blumy i Geszynki)

De Silezische toale is styf verwant me ‘t Pools. Doarom wordt ‘t deur sommigte toalkundign ook anzien lik e dialect van ‘t Pools.

Alfabet

D’r bestoat gin vast Silezisch alfabet. Menschn die Silezisch klappn zyn gewend van under toale te schryvn me Poolsche letters. In 2006 ist er e Silezisch alfabet uutgevoundn, gebaseerd ip al de Silezische scripts (d’r zyn d’r tiene). ‘t Wordt gebruukt ip ‘t internet en ip de Silezische Wikipedia.

Aa Bb Cc Ćć Čč Dd Ee Ff Gg Hh Ii Jj Kk Ll Mm Nn Ńń Oo Pp Rr Řř Ss Śś Šš Tt Uu Ůů Ww Yy Zz Źź Žž En ook e poar digraafn: Ch Dz Dź Dž.