Suriname

Suriname (officieel de Republiek Suriname), is e land an de nôordôostelikn Atlantische kust van Zuud-Amerika . 't Wordt begrensd deur den Atlantischn Oceoan in 't nôordn, Frans-Guyana in 't ôostn, Guyana in 't westn en Brazilië in 't zuudn. Den hoofdstad is Paramaribo.

Koarte van Suriname

Dat artikel es geschreevn in 't Noordelik West-Vlams.

---

Republiek Suriname
Suriname in Zuud-Amerika
Officiële toale	Nederlands
Hoofdstad	Paramaribo
Stoatsvorm	Presidentiële republiek
Stoatshoofd	Chandrikapersad (Chan) Santokhi
Êerste minister
Ippervlak	163.820 km²
Inweuners Bevolkiengsdichtheid	609.569 (2020) 3,7 inw./km²
Munte	Surinoamschn dollar (SRD)
Tydzone	UTC -3
Landcode	SR, SUR
Telefongcode	597
Internet-TLD	.sr
Nationale fêestdag	25 november

't Land was van 1667 toet 1954 e kolonie van Holland en doarachter e land binn 't Statuut vo 't Keunienkryk van de Nederlandn ('n overêenkomst tusschn de landn). De 25e november 1975 kwam Suriname oenofhankelik. De Surinoamsche bevolkienge bestoat uut mêerdere etnische groepn.

't Landschap bestoat uut moeras en heuvels met in 't zuudn en 't middn verschillige bergkeetns. 't Land is vor e grôot dêel bedekt mè tropisch reegnbus en der zyn e dêel riviern die van 't zuudn noa 't nôordn loopn, lik de riviere de Suriname.

Suriname hèt e bevolkiengsdichtheid van moa 3,7 inweuners/km². Doamee is 't êen van de dinst bevolkte landn ter weireld. De mêeste inweuners weunn in 't nôordn van 't land, in de districtn Paramaribo, Wanica en Nickerie. Weireldwyd zyn der oengeveer e miljoen menschn van Surinoamschn ofkomst, woarvan e grôotn helft in Suriname weunt. Vôorts weunt er e grôte groep in 't buutnland, vornoamelik in Holland en België, moar ook in Frans-Guyana, Brazilië en de Verênigde Stoatn.

In Suriname wordn twientig toaln gesprookn. 't Nederlands is d' officiële toale. T'hope mè 't Sranantongo (Surinoams) is 't de mêest gesprookn toale van Suriname. 't Sranantongo is e creoolsche toale die hoofdzoakelik gebaseerd is ip Iengels, moar ook e grôte Nederlandschn invloed hèt. Vôorts zyn der invloedn van 't Portugees, Spoans en Afrikoansche toaln. De mêeste Surinoamers zyn mêertoalig. Ze spreekn in vele gevalln hunder eign moedertoale, Nederlands en eventueel ook nog Sranantongo.

Ofbeeldiengn die ier by passn ku je vien in de categorie Suriname van Wikimedia Commons.

{{{ofb_links}}}	Landn in Zuud-Amerika	{{{ofb_rechts}}}	{{{ofb_groot}}}
Argentinië • Bolivië • Brazilië • Chili • Colombia • Ecuador • Guyana • Paraguay • Peru • Suriname • Uruguay • Venezuela Frans overzees departement: Frans-Guyana Overzees gebied van 't Verênigd Keunienkryk: Falklandeilandn • Zuud-Georgia en de Zudelikke Sandwicheilandn