Venlo

Venlo es de êenendertigste grôotste gemêente van Holland, de twêede stee van de provinsje Limburg en omvat ook 't stadsdêel Blerick. De stee ligt an de riviere de Moas. Der weunn oungeveer 103.000 menschn in de gemêente en oungeveer 69.000 menschn in de stad (2023). De stad is administratief ounderverdêeld in êenentwientig wykn die were zyn ounderverdêeld in buurtn.^[1]

Venlo
Woapn	Vlagge
Liggienge van de gemêente
Koarte van de gemêente
Liggienge
Provinsje	Hollands Limburg
Coördinoatn	51°22′NB 6°10′OL
Ippervlak	128,99 km²
Woarvan land	124,16 km²
Woarvan woater	4,83 km²
Inweuners
Inweuners Bevolkiengsdichtheid	103.328 (2023) 832 inw./km² (land)
Mêer info
Hoofdplekke	Venlo
Burgemêester	Antoin Scholten (VVD)
Postcode	5911-5951
Website	www.venlo.nl
{{{foto}}} {{{byschrift}}}

De geschiedenisse van Venlo

't Ountstoan van Venlo goat verre were in den tyd, wat da te zien is an de grafheuvels ip de Jammerdoalse Heide. Uut ipgroaviengn blykt dat er al in de Romeinschn tyd ip Venlose ground een nederzettienge is gewist. In dien tyd had Venlo, in teegnstellienge toet 't vroeger grôtere Blariacum (Blerick) mè zyn eign Romeins garnizoen mor e klêene nederzettienge.^[2]

In de binnestad van Venlo stoan vele monumentoale uzen en e kerke.

Zicht ip Kastêel Arcen in de gemêente Venlo (ryksmonument)

• 
  Zicht ip de Loohof an de Lohofstroate in Venlo (monument)
• 
  Zicht ip 't Sint-Martinusklôoster an de Sint-Martinusstroate in Venlo (monument)
• 
  Zicht ip 't Limburgs Museum in Venlo
• 
  Zicht ip 't Monseigneur Nolenspling in Venlo

Bekende kastêelhoovn en musea in Venlo zyn de Kasteeltuinen Arcen,^[3] 't Limburgsmuseum^[4] en 't Museum van Bommel van Dam ^[5]

Trivia

• Deur d' annexoatie van Blerick up 1 januoari 1941 kreeg Venlo der 10.865 burgers by.^[6]
• An 't Monseigneur Nolenspling in 't center van Venlo zyn der praktisch allêne moa Duutse wienkels.

Bekende Venlonoars

• Lodewyk van der Grinten, apotheker, scheikundige, groundlegger Océ
• Lilian Helder, advocoate, Twêede Koamerlid
• Ruben Kogeldans, foetbollist
• Coy Koopal, foetbollist
• Geert Wilders, polletieker en partyleider van de PVV

Wykn

De wykn met hunder officiële noame zyn:

Arcen Belfeld Blerick-Midden Blerick-Noord Blerick-Zuid Boekend Het Ven Hout-Blerick Klingerberg Lomm Op de Hei

Steyl Tegelen-Centrum Trade-Port Velden Venlo-Centrum Venlo-Noord Venlo-Oost-Noord Venlo-Oost-Zuid Venlo-Zuid Vossener