Watterloo
From Wikipedia, the free encyclopedia
Remove ads
Remove ads
Watterloo (Frans: Wattrelos, Nederlands: Waterlo) es 'n stad en gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an Moeskroen en Stêenpit (over de Schreve, in de provinsje Henegouwn) en an de Fransche gemêentn Leers, Roboais en Terkoeje. O de zuudkantn van Watterloo lôopt et Kanoal van Roboais (Canal de Roubaix), wa in't verlengde ligt van't Spierekanoal.
.svg)
Dat artikel goat over de Fransche gemêente. Vo de Woals-Broabantse gemêente, kykt noa Woaterloo.
De noame van de plekke komt uut et Vlams en wierd tout in d'elfde êeuwe geschreevn lyk Waterlos of Waterlooz. D'uudige officiëlle noame es e klankkundige achterdoenienge in't Frans van de Vlamse noame.
Remove ads
Beziensweirdigeedn
In Watterloo stoan der teffrente kerkn in verschilligte wykn:
- De Sent-Macloukerke stoat in't center en es ingeweyd in april 1882. De kerke die derveurn ier stound gienk were tout in de vuuftiende êeuwe.
- De Sint-Theresia-van't-kindeke-Jezuskerke ip de wyk Laboureur es ingeweyd in 1929. Z'es gebouwd in stêen en bakstêen en versierd mè moozaïekn, en combineert ezo traditionêele architecteur mè art deco-versieriengn.
- De Sent-Vincentius-a-Paulokerke es e moderne kerke ip de wyk Le Crétinier, gebouwd in 1994. De êeste kerke wierd iere in 1897 gebouwd, mo kreeg ton gêen torre me da ze 't gewichte dervan nie gienk kunn'n droagn. Deur d'n abominoabeln toestand van de kerke en ze dedie ofgebrookn in 1992.
- De Notre-Dame-du-Bon-Conseilkerke ip de wyk Beaulieu, gebouwd in 1910.
- De Christus-Keunienkkerke ip de wyk Sapin Vert, ingeweyd in 1936.
- De Sent-Gérardkerke ip de wyk Touquet-Saint-Gérard, in't nôord'n van de gemêente tusschn Terkoeje en de wyk Mont-à-Leux ip de schreve by Moeskroen.
 |
Ofbeeldiengn die ier by passn ku je vien in de categorie Watterloo van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads