Ahidousse

L' ahidousse (e cmon amazir marokin «ⴰⵃⵉⴷⵓⵙ»), c' est ene danse foclorike do Mîtrin Atlasse (payis tamazir-cåzant, Marok).

e rîlêye, èn ome djondant ene kimere

Dessén del danse avou si no e-n amazir, dins l' alfabet tifinar

Dansaedje

Ele si danse toplin des djins eshonne, disk' a on cint d' danseus.

Les omes si metnut so ene rindjeye, et les comeres so ene ôte, tot lzès rwaitant.

Mins les danseus si polnut mete eto so on rond, ou on dmey-rond, avou èn ome djondant ene comere.

Po cmincî, ene comere, å pus sovint li pus veye del binde, va enonder on criya lomé "tamawete" : c' est deus fråzes côpêyes e cwate vers.

Après, les danseus pestelèt tertos eshonne, et monter et baxhî les bresses, tot bouxhant so des plats tabeurs (omes) u tot tchacant dins leus mwins (comeres).

Sipårdaedje

Si stindowe respond al cene do mîtrin amazir ("tamazir"), di Kelaa des Mgounas, disk' a Fez.^[1]

Vicansté

L' ahidousse si danse coranmint, disk' ås djoûs d' ouy, a tote ocåzion (noices, fiesse del fén d' l' awousse, novelan amazir.

Did la, li mot a stî rprins e l' arabe marokin po cåzer d' ene fiesse avou des danses (حدوزة, Hedoza) ou do "novelan des cinsîs marokins" (حوادز, Hewadez).^[2]