Li Lidjwès egadjî (operå)

Li Lidjwès egadjî (dins l' mwaisse sicrijhaedje "Li Ligeoi ègagy, opera burless' es deu parteie, mettou ès musik par M. Hamal", dins l' replaidaedje da F. Bailleux, "Li Lîgeois ègagî", e Feller, "Li Lîdjwès ègadjî"), c' est èn operå, li deujhinme do teyåte lidjwès, sicrît pa Jacques-Joseph Fabry.

dessén da J. Helbig dins l' edicion da Bailleux (1854), ki mostere Colasse et s' mwaistresse

I fourit djouwé divant les djins pol prumî côp li 14 d' avri 1757.

Li tecse est rindjî å l° 362 dins l' Invintåre Piron des pus vîs tecses e walon dizo l' tite "Le Liégeois enrôlé".

Les persounaedjes

• Aili : li mere di l' egadjî.
• Colasse : li "Lidjwès egadjî".
• Mayane: mwaistresse da Colasse.
• Linåd : onk des vijhéns.
• on bas oficî francès.
• Keur des vijhéns et des vijhenes.

Boket del pîce

Prumire pårteye, sinne II

Linåd

Vos vs ewaerez todi po rén

Ni cnoxhoz vs nén les djonnès djins

I serè-st alé viè Grimgnêye

Loukî motoit passer l’ årmêye

Et s’ i sereut minme egadjî

K’ on lyi mete don ene laxhe e pî

Ôtmint, cwand i n’ vierè pus l’ veye

Li cour lyi tirrè po rivni

Et vosse fi ki voet voltî m’ feye

Vola pus k’ i n’ fåt po l’ ritni

(Linåd ki tchante)

On Lidjwès ki s’ egadje

Va bén disk’ a Tîleu

Mins po cwiter l’ rivadje,

I tuze ene feye ou deus

Et s’ il a ene maråye,

Vos vieroz ki m’ boubiet

Riprindrè so m’ fwè l’ voye

Do clokî Sint-Lambiet

Mi-minme, si dj’ el doe dire,

Dji m’ a trové dvins l’ cas

Mins d’ ou pus d’ on ratna :

L’ amor et nosse boune bire

Aili

Dj’ a bén d’ keure di çou ki t’ åye fwait

Tote ti veye, t’ as stî on napea

Di t’ moker d’ mi, n’ ass nén del honte ?

Dji n’ el ra nén avou tes contes !

Va s’ mel ricweri ou vass å diåle

…

Mins dji n’ a k’ fé d’ ti : vo l’ ricial.

Linåd

Vos n’ breyoz pus « Vass el ricweri »

Vola k’ vos ravoz vosse beabea

Mins doûçmint, ci n’ est pus po rire,

Môr ! Il a l’ cocåde a s’ tchapea.

Aili

O ! Dji lyi råyrè djus del tiesse !

Cwè çki t’ as la ? Dou vénss, djonne biesse ?