Redîmés Payis

Les Redîmés Payis u Redîmés cantons, u Cantons d' l' Ess, c' est les cantons d' Måmdey, di Neyåw, et d' Sint-Vit, k' on stî "rindous" pa l' Almagne al Beldjike e 1919. Davance, on les loméves Prûsse walone.

Po des linwincieusès racsegnes sol mot "Redîmés Payis", alez s' vey sol Wiccionaire

Essegne des Cantons d' l' Ess

Redîmés payis les deus comenes walon-cåzantes sont-st e vete foncé

E francès, li mot Payis rédimés pout esse rissintou come nén politicmint comifåt pa sacwants djins d' avår la.

Provnance

Ene grande pårt aveut stî prinjhe pal Prûsse so les teres di l' ancyinne Principåté di Ståvleu-Måmdiy al Påye di Wîne e 1816, i gn aveut-st eto li teritwere neute di Moresnet.

Istwere après 1919

Il ont stî remantchîs a l' Almagne pa Hitler di 1940 (li 18 di may) a 1944. Eto, les djonnes mobilijhåves di ces viyaedjes la, inte did zels les walon-cåzants des bans di Måmdey et Waime ont stî sôdårds di foice dins l' årmêye almande.

Dispu 1970, les Redîmés Payis ont divnou li Cminålté Tîxhon-cåzante tot ndè rsaetchant les bans di Måmdiy et d' Waime, k' ont stî raloyîs al Kiminålté francesse di Beldjike.

Hårdêye difoûtrinne

• Sovnances d' on djonnea ki s' catchive po n' nén ndaler sôdårds e l' Almagne e 1942