Tchantchès (teyåte)

Tchantchès, c' est ene pîce di teyåte e walon da Théo Beauduin et Michel Duchatto.

Pol discramiaedje des årtikes avou l' mot « Tchantchès », loukîz cial.

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

Elle a stî tote sicrîte e moes d' djun 1931.

Elle a stî creyeye å Triyanon l' anêye minme.

Li pîce a yeu l' medaye d' ôr al SLLW.

Mwaissès piceures

C' est ene pîce di troes akes, sicrîte e vers di 12 pîs (zandrins). Li live a stî imprimé e l' ovroe del viye gazete Desoer a Lidje, 29, rowe des piteus pa Jules Debeur ey epådjné pa Arthur De Bossche e moes d' octôbe 1931.

Li dessén d' coviete est da E. Scauflaire.

On nd a saetchî 500 egzimplaires.

Plaeçmint dins li spåce et dins l' tins

Li pîce kimince dins ene taviene a Lidje diviè 1640, la k' èn erôleu vént sayî d' egadjî des djonneas po l' årmêye del Prûsse ki s' bate e l' Almagne avou ene aloyance catolike disconte ene aloyance protestante, minêye pås Suwedwès (guere di trinte ans).^[1]