Tinroxh

Li tinroxh (u tinroxhea) ou gruzion (u gruziant u gruzia), c' est on texhou come di l' oxh, mins pus tinre, et å pus sovint loyî a èn oxhea.

Po des linwincieusès racsegnes sol mot "tinroxh", alez s' vey sol Wiccionaire

Elouwaedje do tinroxh

Tinroxh del djonteure del sipale d' ene robete

Gruzion ås djonteures

I tapisse li tchambe del djonteure. Il est raloyî bén binatnanmint al tiesse di l' oxhea. Il est rascovrou d' ene frexhe pea k' essûne on likide d' ecråxhaedje di l' acopleure, li sinoveye.

Gruzion å dbout des plats oxheas

End a eto å dbout di l' oxhea del sipale, et ås coron des coisses, la k' ele si vnèt eboesner dins l' oxhea del pwetrene.

Gruzion des pegnons

C' est lu ki fwait l' tcherpinte dilérece do pegnons do nez et di l' oraye.

Come amagnî

Sacwants djins magnnut voltî l' tinroxh, lomé eto crocant, k' il apicèt tot rawiant (ou gruziant) les oxheas.