corti

Loukîz eto : Corti, côrti.

Walon (Rifondou)

Etimolodjeye

Tayon-bodje latén « curtis » (cinse) pal voye do vî lingaedje d’ oyi (vî francès « curtil »), çou ki dene on mot avou l’ cawete « -i ».

Prononçaedje

• AFE :
  • diferins prononçaedjes : /kɔʀ.ˈti/ /kuʀ.ˈti/ /kɔʀ.ˈtœ/ (oyon O.OU) (cåzu k’ deus prononçaedjes)
  • prononçaedje zero-cnoxheu : /kɔʀ.ˈti/
• Ricepeures : cor·ti

Sustantif

singulî	pluriyal
corti	cortis

corti omrin

1. plaece dilé l' måjhon k' on ahive des verdeures et des fleurs.
   • Ass dedja foyî t' corti?
   • Li pî-sinte passe padrî les cortis — Motî Alphonse Massaux (fråze rifondowe).
   • S’ i n’ aveut fwait k’ les fruts ki l’ solo fwait rglati,
     Les ceréjhes, les gurzales, les fraijhes di nos cortis,
     Li vegne et leus likeurs, atrait del vicåreye
     Li låme di nos tchetoeres d’ ene douceur sins parey. — Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
   • E corti d’ nosse måjhone, i crexheut-st on rôzî, toplin d’ lai-m’-e-påye, (…) et k’ on n’ acontéve nén. — Henri Simon, dins Li ptit rôzî (fråze rifondowe).
   • Inte deus stoks di tchårnale,
     I gn a-st on vî posti
     Pindou so des påmeles,
     E l' håye di nosse corti. — Jean Dessard, D'ine cohe so l'aute, 1939, p.53, Côp d’ vint (1939) (fråze rifondowe).
   • Totes les plantes do corti croufiént et rôtyî et tchaforner padzo les cwate soleas. — Guy Brener (fråze rifondowe).
   • Des ptitès tinrûlès fleurs maytèt d' coleur nos waides, nos campagnes, nos cortis. — Léon Bukens (fråze rifondowe).
   • I gn a nou corti k' åye ses fraijhes, ses pîxhîs, ses gurzalîs. — Paul-Henri Thomsin, ratournant "Li vî bleu 2", 1980 (fråze rifondowe).

Parintaedje

• cortiaedje
• cortijhea / cotjhea (cot'hê)
• cotyî, cotiaedje, cotieu
• cotlî

(minme sourdant etimolodjike)

• coû

Mots d’ aplacaedje

• cladjot d’ corti
• wangne-corti
• wangnant-corti

Mots vijhéns

• cotjhea
• djårdén

Ortografeyes

(corti & Corti)

E li scrîta (1100-1600) :

• Courtils : (1317) TG4 a "Cortil" (Corti-Wodon)
• Cortils : (964) TG4 a "Cortil" (Corti-Noermont)

Divant 1900 :

• korti : E203 ^(lére)
• corti : E89 ^(lére), E177

Après 1900, foû rfondou (Feller, Feller ricandjî, nén Feller) :

• courti : C8, E145, O0, S117, TG1 p. 41 (a "Bovigny")
• corté : TG1 p. 71
• Cortè : TG4 a "Cortil" (Corti-Noermont)
• cortĕ : TG1 p. 100
• corti : C1, C13, E1
• cortë : C65
• coûrti : O4

E rfondou walon :

• corti : R10 ^(lére), R13

Li mot n’ est nén dins : C18, C56, C103, C105.

Ratournaedjes

plaece dilé l' måjhon k' on ahive des verdeures

• Inglès : garden ^(en)
• Francès : jardin ^(fr)
• Vî francès : cortil ^(fr)
• Neyerlandès : tuin ^(nl)