divize

Walon (Rifondou)

Etimolodjeye

Svierba do viebe « divizer », a rmete avou l' vî francès « devise » (minme sinse).

Prononçaedje

• AFE :
  • diferins prononçaedjes : /dɪ.ˈviːs/ /di.ˈviːs/ /dy.ˈviːs/ /dɛ.ˈviːs/
  • prononçaedje zero-cnoxheu : /di.ˈviːs/
• Ricepeures : di·vize

Sustantif

singulî	pluriyal
divize	divizes

divize femrin

1. tins di discandje di paroles inte sacwantès djins.
   • Aveur des dvizes eshonne. — Motî Forir (fråze rifondowe).
   • Ay !, adiè, binamêye Aguisse ; Nos n’ årans måy pus nole divize. — Vîs arimés so les comeres et l’ mariaedje, II, 9-10 (fråze rifondowe).
   • Mins s' les ouys n' ont pus nou louca
     Ses oreyes etindént les dvizes
     Ki vnént tchaeke feye foû des raxhisses
     Ki l' neveuze aveut leyî la…
     — Louis Lagauche, "Les belès-eures" (1928), p. 71 (fråze rifondowe).
   • On s’ rafurlêye dilé l’ coulot,
     Tchaeconk por lu, come des covresses
     Mågré k’ on fouxhe deus dlé l’ tocoe
     On n’ s’ afrankixh nén d’ ene divize. — Émile Lempereur (fråze rifondowe).
2. coûte shute di mots prononcîs.
   • Leyî schiper ene måle divize. — Motî Haust (fråze rifondowe).
   • Cisse divize la : « Tiesse di moirt ! » a rdoxhî e s’ pitite tiesse, i n’ sait nén pocwè å djusse… Fefeye n’ a måy dit si vraiy, lyi shonne t i : Vevè sereut i èn oujhea pol tchet ?... — Arthur Xhignesse, « Boule-di-Gôme », 1912, p.8 (fråze rifondowe).
   • ADELE. -Trossîz vos guetes, bråve ome, nos n' avans nén l' tins do schoûter vos sotès dvizes !
     DJAN. -Po l' amour di Diu ! … — Joseph Mignolet, "Li vôye qui monte" (1933), p.35 (fråze rifondowe).
3. (vî mot) mots scrîts so ene pire, sol coviete d' on live.
   • Mete ene divize so on live. — Motî Forir (fråze rifondowe).
4. manire di pinser.
   • Il a des dvizes di sot, des sotès dvizes. — Motî Haust (fråze rifondowe).
   • T’ as t’ tiesse tote plinne di vîs sacwès et d’ viyès dvizes. — Arthur Xhignesse, « Boule-di-Gôme », 1912, p.26 (fråze rifondowe).
5. pitite margaye.
   • Tofer inmåve et d' boune oumeur,
     Houwant les dvizes et les bisbiyes,
     Toû a toû siervante et mayeur. — Martin Lejeune, "Œuvres lyriques du poète Martin Lejeune" p. 124, "Come dju comprind l’famile" (fråze rifondowe).
   • Les efants, di-st on, sont rouvisses ;
     Les tourmints, les poennes et les dvizes,
     Si rovièt tot fjhant l’ hurluberlu. — Joseph Vrindts, ”Vîx Lîge” (1901), p.107, “Li Paradis des Ch’vâx” (fråze rifondowe).

Ratourneures

1. bate divize
   • Si plaijhi, c’ est d’ mete reyusse les djins ki batèt dvize avou lu.
2. des dvizes k’ on tchén n’ hagnreut nén dvins
3. esse di boune divize
4. fé des dvizes : si margayî djintimint.
   • Il ont avou des dvizes eshonne. — Motî Haust (fråze rifondowe).
5. fé les dvizes : si mete d' acoird.
   • On n' a nén fwait les dvizes. — Motî Forir (fråze rifondowe).
6. taper ene divize

Parintaedje

• divizer
• divizaedje
• divizå
• divizant

(minme sourdant etimolodjike)

• devize

Mots d’ aplacaedje

• bate di dvize
• loigne divize

Sinonimeye

tins di discandje di paroles inte sacwantès djins

• cåzaedje
• conversåcion
• copene
• copinreye
• rinne (dvins sacwantès ratourneures)

coûte shute di mots prononcîs

• messaedje
• parole

Mots vijhéns

pitite margaye

• bisbiye
• bisbrouye
• disdut
• dispite
• kerele
• misbrouye

Fås amisse

Li mot francès « devise » (devize) n' a nén l' minme sinse.

Ortografeyes

Divant 1900 :

• diviss, d'viss : E203 ^(lére)

Après 1900, foû rfondou (Feller, Feller ricandjî, nén Feller) :

• d'vîse : O3
• duvise : E21, E34
• divise : C1, C9, C13
• divise, d’vise : E1
• dèvisse, d'visse : O4

E rfondou walon :

• divize, dvize : R10 ^(lére), R13

Ôtès ortografeyes (avou des sourdants nén rkinoxhous) :

• dèvise : O

Li mot n’ est nén dins : E89

Ratournaedjes

tins di discandje di paroles inte sacwantès djins

• Francès : conversation ^(fr), discussion ^(fr)

parole, messaedje

• Francès : parole ^(fr), propos ^(fr), mot ^(fr), phrase ^(fr)

manire di pinser

• Francès : pensée ^(fr), opinion ^(fr), argument ^(fr)

pitite margaye

• Francès : dispute ^(fr), chamaillerie ^(fr), querelle ^(fr), différent ^(fr)