pourcea

Walon (Rifondou)

Etimolodjeye

Tayon-bodje latén « porcellus », pitit pourcea; çou ki dene on mot avou l’ cawete « -ea ».

Prononçaedje

• AFE :
  • diferins prononçaedjes : /puʀ.ˈsɛː/ /pɔʀ.ˈsɛː/ /puʀ.ˈsᴈ/ /pɔʀ.ˈsᴈ/ /pɔʀ.ˈse/ /pɔʀ.ˈsɛ/ /puʀ.ˈsja/ /puʀ.ˈʃa/ ; miersipepieuzmint e l’ notule ALW 1.78  ; (betchfessî ea)
  • prononçaedje zero-cnoxheu : /puʀ.ˈsja/
• Ricepeures : pour·cea

Sustantif

singulî	pluriyal
pourcea	pourceas

pourcea omrin

1. (no d’ biesse ås tetes) biesse ås tetes aclevêye po s' tchå, ki vént d' l' aprovijhaedje d' on singlé, ki l’ sincieus no, c’ est : Sus scrofa domesticus.
   • C' e-st on pourcea fornouri
     Ki n' sondje k' al cabolêye. — Jacques-Joseph Velez, "Sav' bin çou qu' c' èst qu'on Prussien ?" (1817) (fråze rifondowe).
   • A nosse måjhon, on a touwé l' pourcea (viye tchanson).
   • Li touweu d' pourcea aveut on boket d' bos come ene pitite brike wice k' il aveut clawé on dbout d' tole k' aveut stî trawé avou ene grosse ponte.
2. (mot d’ mangon) tchå di cisse biesse la.
   • Les djwifs et les muzulmans ni magnèt pont d' pourcea.
3. ome ki s' kidût sins ratna avou les cmeres.
   • Li gros Lidint, c' esteut on pourcea, hin, ça, lu!
4. mannet ome.
   • Dji n' vou nén boere dins l' vere di ç' pourcea la.
   • Por on manant, dji vos l’ garanti,
     Apicî on pwin, i volerè è prîjon.
     Mins lès pourcias qu’ont l’ brès long
     Il âront todi raîson. — Jacques Desmet.
5. (rabaxhanmint) djin k' on voet evi.
   • Oh ! Les våréns, dji sin co m’ tiesse ki zûne des côps d’ paraplu ki l’ viye chipiye m’ a dné. Oh ! les pourceas. — Louis Lagauche, Cåse d'on comichonaire, 1904, p.44 (fråze rifondowe).
6. ome di mestî k' overe må.
   • Co onk ki fwait do pourcea

• 

Ratourneures

1. si prinde po li rwè des veas
   1. si prinde po li rwè des veas, et n’ nén co esse li rwè des pourceas

Parintaedje

• pourceler, pourcelreye
• pourceate, pourceatmint, pourceatreye, pourceater
• pouchlon, pouchler

Mots d’ aplacaedje

• pourcea-singlé

Sinonimeye

• coshet

Ortografeyes

Après 1900, foû rfondou (Feller, Feller ricandjî, nén Feller) :

• pourcé : G201 p. 229
• pourcê : E1, E170, S117
• pourçê : S109
• porcè : S44
• porcé : G201 p. 229
• pourcha : G201 p. 229, O0, O3, O4
• porcê : E165, G201 p. 229
• pourcia : C8, C13, C99, G201 p. 229

E rfondou walon :

• pourcea : R10 ^(lére), R13

Ôtès ortografeyes (avou des sourdants nén rkinoxhous) :

• pourcia : C109
• pourcê : G201p. 229

Ratournaedjes

aclevåve biesse ki vént do singlé

• Arabe : خنزير‏‎ ^(ar) = خِنْزِير‏‎ =‎ khinzîr
• Arabe marokin : 7elof (Helof) =‎ حلوف‏‎
• Almand : Schwein ^(de)
• Inglès : pig ^(en), swine ^(en)
• Espagnol : cerdo ^(es)
• Francès : cochon ^(fr), pourceau ^(fr), porc ^(fr)
• Gåmès : pourchau
• Neyerlandès : varken ^(nl)
• Picård : pouché ^(pcd)
• Kimon amazir marokin : ⵉⵍⴼ ^(zgh) =‎ ilef

tchå di cisse biesse la

• Arabe marokin : حلوف‏‎ ^(ary) =‎ 7eluf
• Inglès : pork ^(en)
• Francès : porc ^(fr)

mannet ome

• Arabe marokin : حلوف‏‎ ^(ary) =‎ 7eluf
• Inglès : pig ^(en)
• Francès : cochon ^(fr), pourceau ^(fr)

ome ki s' kidût sins ratna avou les cmeres

• Arabe marokin : حلوف‏‎ ^(ary) =‎ 7eluf
• Inglès : pig ^(en)
• Francès : cochon ^(fr), pourceau ^(fr)

djin k' on voet evi

• Francès : crétin ^(fr), connard ^(fr), abruti ^(fr), imbécile ^(fr)

Waitîz eto

Lijhoz l’ årtike pourcea so Wikipedia