孔代亲王

孔代亲王(法文:prince de Condé)，是法国波旁家族个一个分支孔代家族专门享有个贵族称号。假使是女性，就叫做孔代公主(Princesses de Condé)。伊拉是波旁家族个远亲。

路易二世•德•波旁

发展

立在历代个孔代亲王当中，顶顶有名个代表人物包括：路易一世•德•波旁，伊是法国波旁王朝创建者亨利四世个爷叔，也是孔代家族个始祖。伊信奉胡格诺派，是法国宗教战争当中胡格诺派个主要将领，1569年立在雅尔纳克战役当中畀诛杀；路易二世•德•波旁可能是顶顶著名个一位孔代亲王，伊立在1643年罗克鲁瓦战役当中决定性拿西班牙击败，从此宣告西班牙哈布斯堡王朝立在欧洲领导地位个终结。伊因为邪气强大个军事能力扬名欧洲。同时，伊也是路易十四统治开始辰光，反对绝对君主制个投石党运动当中个关键人物，立在投石党战争失败之后逃到西班牙并指挥西班牙军队对法国进行对抗，弗过最后搭与路易十四和解，并立在之后遗产争夺战争中发挥关键作用；此外，路易五世•约瑟夫•德•波旁也有一定名气，伊是法国大革命当中法国保王党个领导人，专门对野心家拿破仑，波旁复辟之后，为路易十八效力；挨末一位孔代亲王是路易六世•亨利•德•波旁，伊是孔代家族挨末一位男性成员，1830年畀匿名凶手立在公园里向吊死，之后，孔代家族绝嗣。

历代孔代亲王

• 路易一世•德•波旁
• 亨利一世•德•波旁
• 亨利二世•德•波旁
• 路易二世•德•波旁
• 亨利三世•儒勒•德•波旁
• 路易三世•德•波旁
• 路易四世•亨利•德•波旁
• 路易五世•约瑟夫•德•波旁
• 路易六世•亨利•德•波旁