From Wikipedia, the free encyclopedia
臺鐵408號出軌事故(花莲县消防局叫做花蓮縣0402交通事故)是勒该臺铁北回线个太鲁阁自强号车子个一桩出轨事故。当时辰光车浪向大概有490名乘客,乃末勒海经过花莲县秀林乡和仁段大清水隧道北口个辰光,碰到边坡切入路线个工程车出轨后又搭牢隧道壁冲进隧道里向。当前造成哉54人死脱搭156人受伤,261人已疏运。[1][2]动员个抢修人员共总105人,有工务60人、电务20人、机务25人,并且出动2列机务抢修车,2部25吨吊车、怪手2部,车辆脱离可能会得要5天、轨道修复1天,架空电缆及导电轨修复1天,共总需要7天才好抢修完成。而死者是哪能买票上车个还弗大清爽。[3][4]
箇篇文章记录着一桩箇朞扗許发生个事体。信息作兴会得搭牢事体个发展豪𢜶变化。 |
2021年4月2号早浪向9点28分,一辆树林车站开往臺东车站个408次太鲁阁号列车(编组:TEMU1013+1014),由于事发地和仁─崇德间分别有新清水隧道与新和仁隧道(西正线)、清水隧道与和仁隧道(出事路段;东正线)侪是单线,搿只列车高速通过和仁隧道后,就迎头撞上一台从上面边坡滑落到轨道搿工程车,搿辆工程车是李义祥负责个义祥工程个工程车,伊个车号是“775-TX”。虽然驾驶已刹车老吃力,依然导致还勒列车前进方向个第1节车厢(车头,第8车)出轨,出轨后勒高速行驶个列车再趟撞进清水隧道导致车厢扭曲变形,挨下来第2至4节车厢(编号:7-5车)也跟牢冲入清水隧道出轨变形,车厢里头通道中断。
当时臺铁大清水路段51K有交通部外包个隧道工程,施工勒海,一辆工程车停勒铁路旁边个滑坡埃面,好像呒没拉好手刹车,导致车辆滑落至轨道,太鲁阁列车出隧道后来弗及刹车,撞上了伊。[5][6]
中华民国卫生福利部中央健康保险署宣布,呒没健保卡、呒没办法畀铜钿个事故伤患,好破例到健保特约医院就医。
台湾花莲地方检察署勒4月3日夜里向拿义祥工业社负责人声押。[7]
还呒没。
搿趟事故编组1013+1014是2016年增购个2列TEMU1000型首列,[8]第8车至第3车半截总共6截半车厢困勒隧道,其中第8车至第5车严重变形坏脱。[9]
总统蔡英文已经让各单位全力投入救援任务外加严格进行事故调查,一定要拿事故原因搞清爽,[11]而且呼吁大众覅过度揣测。[12]
搿桩事故受到交关国际媒体快讯报导,当中路透社也叫事故是臺铁40年来顶严重个事故。[13][14]
中央流行疫情指挥中心记者会当朝暂停举办一次。[15][16]
行政院从4月3日开始,降半旗三天,对死伤者表示哀悼。[17]
中华人民共和国国务院臺湾事务办公室搭海峡两岸关系协会、中华全国台湾同胞联谊会对事故受难人搭伊拉家属表示慰问。[18][19][20]
日本首相菅义伟、前日本首相安倍晋三、日本参议员莲舫、防卫大臣岸信夫、日本臺湾交流协会对事故受难人搭伊拉家属表示慰问。[21]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.