东南亚

東南亞（英文：Southeast Asia，縮寫是SEA），也就是華人講個南洋，是亞洲個一個地區。伊個具體範圍差弗多是中國南面、印度東面、新幾內亞西面搭澳大利亞北面，國家弗少。東南亞好分成兩個區域，陸地是中南半島搭仔馬來半島，包括柬埔寨、寮國、緬甸、越南、泰國、馬來西亞，海域差弗多是馬來群島，包括馬來西亞（砂拉越、沙巴）、汶萊、東帝汶、印度尼西亞、菲律賓、新加坡。

東南亞個位置

箇是第二次世界大戰後期才出現個一個新個地區名字。弗過，東南亞國家經常性畀西方學者認為屬於東亞個範圍。

除脫東帝汶，東南亞國家組成仔東南亞國家協會（ASEAN，也就是「東協」、「東協」或「 東協」）。

東南亞民族主要是南島民族搭馬來族，居民多信奉伊斯蘭教搭佛教，還有人信其他宗教，比方講基督教、印度教。印尼是全球信穆斯林個人頂頂多個國家，泰國則是世界上頂頂大個佛教國家，菲律賓則是東半球天主教徒頂頂多個國家。

區域範圍

東南亞勒拉20世紀前，畀歐洲人叫東印度。中國歷史上拿箇塊地方叫「南洋」。因為伊勒拉中國搭印度次大陸當中，受到兩個地方文化個影響，東南亞大陸部分畀歐洲地理學家叫印度支那。

「東南亞」箇個詞頂頂早勒拉1839年畀美國牧師霍華德·馬爾科姆（Howard Malcolm）提出。伊勒拉伊個書《東南亞旅行》裡向頭一趟用箇個詞，弗過伊個定義只包括大陸部分，嘸沒海洋部分^[1]。二戰個辰光，盟軍勒拉1943年成立東南亞司令部（SEAC），「東南亞」箇個詞因此畀廣泛使用^[2]。早期，「東南亞」箇只概念弗是固定個，菲律賓搭印度尼西亞個大部分畀排除脫。20世紀70年代後期，「東南亞」箇個詞個大致標準用法搭範圍才逐步確定。

國家搭地區

• 中南半島
  • 柬埔寨
  • 寮國
  • 越南
  • 泰國
  • 緬甸
  • 馬來西亞

• 馬來群島
  • 馬來西亞
  • 東帝汶
  • 印度尼西亞
  • 汶萊
  • 新加坡
  • 菲律賓

• 澳大利亞個領地：
  • 聖誕島
  • 科科斯（基林）群島

• 印度個領地：
  • 安達曼-尼科巴群島

經濟

東南亞國家個經濟差異蠻大個：

新加坡經濟發達，經濟、生活水平達發達國家水平，經濟以服務業、航運業、物流業、金融業、科研、旅遊業為主，近年積極發展高科技搭教育。

馬來西亞搭泰國經濟發展有一定基礎，經濟以旅遊業、製造業、農業搭漁業為主，近年積極發展航運業搭物流業。

越南、菲律賓搭印度尼西亞經濟比較落後，經濟只有旅遊業、製造業、農業搭漁業。

緬甸、柬埔寨、寮國搭東帝汶經濟落後，緬甸、柬埔寨搭寮國個經濟只有旅遊業搭農業；東帝汶個經濟只有漁業搭石油出口。

汶萊經濟並弗發達，經濟以石油出口搭天然氣出口為主，財富搭中東產油國一樣，只集中勒少數富裕階層。

人口

整個東南亞面積有450萬平方公里。2018年，箇塊地區個人口攏總有6.55億人，當中有五分之一登拉全球人口頂頂密個島浪——爪哇島。印度尼西亞人口有2.68億，排拉全世界第四。

東南亞個宗教搭民族情況複雜，言語也多。目前有將近3000萬華人生活拉東南亞，主要分布拉聖誕島、印度尼西亞、馬來西亞、菲律賓、新加坡、泰國搭越南。

參見

維基共享資源里向尋得著搭該篇文章搭界個多媒體資源：

東南亞

• 東南亞國家協會
• 一帶一路