中兴镇（上海市）

中兴镇，是上海市崇明区下头只镇，勒垃崇明区东部，东面是陈家镇，南面长江南支，西接向化镇，北面是新海镇个上海市崇明现代农业园区，面积45.54平方公里，户籍人口3.07万人（2008年）。镇人民政府设勒广福路42号。

历史

民国18年（1929年），汲浜乡成立，国民政府江苏省崇明县第四区区公所曾设勒个地方。1949年6月份，崇明解放，建立乡人民政府。1950年4月份，汲浜乡拆出七滧乡、汲浜乡、北兴乡来。1950年11月份，七滧乡、汲浜乡、北兴乡分成七滧乡、滧中乡、汲浜乡、新兴乡、北兴乡。

1957年9月份，老底子向化区个滧中乡、汲浜乡合并建立汲浜乡。1958年9月份，成立汲浜人民公社。1959年1月份到1959年6月份，向化、汲浜两只公社合并建立向化人民公社。1959年6月份，向化人民公社拆分成向化、汲浜两只人民公社。1984年，汲浜人民公社改成汲浜乡。1995年4月份，汲浜乡撤销，改名中兴镇。