长江

长江，又叫扬子江，伊是中国顶顶长个河，是亚洲第一长河搭世界第三长河，也是世界上完全勒拉一国境内个最长河浜，总长6300千米。老法头里讲个江专门指长江，而河指黄河。长江是从青藏高原个东面各拉丹冬峰发源个，之后，流经西南（青海、 西藏、 云南、 四川、 重庆）、中部（湖北、湖南、江西）、东部（安徽、江苏），最后，来勒上海市进入东海。长江流域邪气大，基本覆盖整个东亚南部地区，伊个支流对四川、重庆、湖南、湖北、江西侪有邪气大个影响。

三峡大坝附近

长江勒云南返转行

长江也是文明个发源地之一，发源来勒长江流域个文明，历史超过1万年。具体可以分为吴越文化、江淮文化、江右文化、湖湘文化等。长江中下游，是土地肥沃个长江三角洲，此地面积大概4万平方公里，但经济总量占中华人民共和国GDP个20%。长江流域生态类型多，水生生物资源丰富，是交关濒危动物像扬子鳄搭达氏鲟个栖息地。几千年来，吴越人、楚人古蜀人利用长江取水、灌溉、排污、运输、发展工业等。

近年来，长江受到邪气大个工业污染、农业径流、河沙淤积、湿地搭湖泊减少个威胁，伊些污染让季节性洪水发生频率增高。长江个一些地区划为保护区。云南三江并流保护区因为自然搭文化资源个丰富性，畀联合国教科文组织列入世界自然遗产。

名称

老法头里，长江个专称是“江”，春秋战国辰光个古籍《尚书》《尔雅》《左传》等侪有对“江”个记载^[1]。自汉代开始，长江开始称作“大江”^[2]。六朝开始出现“长江”个名称^[3]。

长江个干流江段各有别称，其中宜宾到宜昌叫做川江，枝江到城陵矶叫做荆江，安徽境内江段叫做皖江，南京下头到长江口个江段又称扬子江。扬子江迭个名称是隋代来勒扬州南岸设置个著名渡口扬子津，老早专指扬州、镇江附近江面，后头所指范围有所扩大^[4]。明末清初时，自海上来个欧洲人从长江口溯流而上经过扬子江，因此欧洲闲话普遍用“扬子”（Yangtze）作为整条长江个名称。

流经个省

• 青海
• 四川
• 西藏
• 重庆
• 湖北
• 湖南
• 江西
• 安徽
• 江苏
• 上海

吴越搭长江

长江是吴越个母亲河之一。虽然对吴越来讲，地位没钱塘江介重要，弗过，从地理个角度看，长江是吴越搭江淮个传统分界线。