中原文化

中原文化是從黃河流域搭華北平原發源個一種文化，在歷史上向，因為首先形成大一統帝國，蓋咾，強制推廣到東亞大陸。有眼周邊民族，也主動咾畀動然，效仿昰只文化。在西晉許歇，中原文化碰著五胡亂華個滅頂之災。之後，大部分代表中原文化個官僚搭大地主，逃竄到吳越地區，建立流亡政權東晉。中原地區在三百年之後，隑關隴貴族以及絲綢之路上向對波斯、中亞等地個吸取，混合成新個中原文化。到北宋阿末階段，貤畀金國搭後向個蒙古人統治，人口飛速減少，習俗混雜著交關內亞風氣。到明朝，中原文化已經蠻難有代表性。弗過，因為儒家搭大一統思想個框架，蓋咾大部分科舉下向個儒生，還是認同中原文化塑造個世界觀。覺著中原地區是天下個中央。並依據中原文化，硬勁漢化雲南、貴州等地區個原住民,造成交關族群滅亡。㬮遭，中原文化一般指中原地區個文化，具體包括重口味食品，代表性個就是胡辣湯。