中國國民黨

中國國民黨是由孫文創立個政黨。俚個前身照順序是興中會、中國同盟會、國民黨搭仔中華革命黨，孫文勒1919年拿中華革命黨改組成仔中國國民黨。中國國民黨勒傳統浪拿興中會到中國國民黨個發展歷程當成一脈相承，所以拿興中會成立個1894年作為中國國民黨個創黨年。中國國民黨1928年以國民革命軍北伐，建立全國統一個政權，統治中國大陸到1949年。1949年，中國國民黨統治個中華民國政府立在國共內戰裏失敗，退守到臺灣，1949年12月11號，中國國民黨中央黨部正式從大陸搬到仔台北。立在臺灣實行專治一直到1990年代初。2000年總統大選落敗，2008年獲勝，乃朝是臺灣地區個執政黨。也是泛藍陣營個核心黨。2016年，國民黨立在中華民國總統選舉裏向大比例失敗，弗僅總統職位丟失，外加頭一趟喪失立法院當中個多數。迭種喪失執政黨地位個結果，讓伊拉重新成為仔在野黨。後首來黨主席朱立倫宣布辭職。

中國國民黨黨旗

中國國民黨黨徽

歷史

國民黨個歷史交關複雜，好分成功好幾隻弗同個階段。立在每隻階段，國民黨個側重點搭仔戰略也是弗斷調整個，伊拉也從一個具有華僑性質個會當組織，逐眼望列寧主義政黨、乃至現代政黨轉變。

知名人物

作為中國近代史浪頂有名氣個政黨，國民黨涌現出仔交關著名人物。

• 孫中山 國民黨創始人之一，尊爲總理搭中華民國個國父。
• 黃興 國民黨創始人之一，湖南長沙人，早期辰光蠻重要個軍事領導人。
• 宋教仁 國民黨創始人之一，鼓吹立法，弗過立在當選中華民國第一任民選總理之後，畀人刺殺脫。
• 陳其美，名陳英士。孫中山個忠實追隨者，擅長暗殺，自家也因得袁世凱個暗殺咾死脫。
• 胡漢民，字展堂，國民黨排共人物，北伐搭國民政府早期個官僚核心。
• 蔣介石，名蔣中正，是國民黨1920年代之後頂頂重要個人物，長期擔當國民黨個總裁，1949年敗退臺灣後，自任總統廿六年，直到1975年死脫。
• 陳誠，吳越青田人，蔣中正個干將，對臺灣發展貢獻邪氣大。
• 蔣經國，蔣中正個大兒子，早年在蘇聯留學，1975年蔣介石死脫之後實際接班。引領臺灣經濟騰飛。
• 李登輝，蔣經國個接班人，1992－2000年擔當總統。後因鼓吹臺獨，畀渠開除脫哉。
• 連戰，國民黨民譽主席，乃朝名譽主席頭銜已經撤銷脫哉。
• 馬英九，2008－2016年擔當中華民國總統。
• 朱立倫，前中國國民黨黨主席。2015年敗選之後辭職。
• 郝柏村，蔣介石護衛，後擔任國防部長。國民黨頂頂有資歷個元老。