胡汉民

胡漢民（1879年12月9號－1936年5月12號），本身名字叫衍鴻，字展堂，號不匱室主，廣府人。伊皇漢思維蠻重，拿自家叫做漢民，是為標榜自家弗肯做清朝臣民，要做大漢之民個含義。伊老早就跟從孫中山搞事體，後勢來成為中國國民黨個重要人物並參與1927年個[清共]活動。弗過，因為伊代表個官僚治理搭蔣介石發生矛盾，兩個人反目成仇，導致蔣介石後勢來竟然捉牢伊軟禁，到1930年代當中辰光，胡漢民回到廣東，拉攏當地個地頭蛇軍閥陳濟棠並聯絡新桂系，準備重新立在廣州成立自家個政府（主條目：兩廣事變）弗過還嘸開始自家就突發毛病死脫。