中国语言地图集

《中國語言地圖集》是中國社會科學院語言研究所同澳洲人文科學院合作，組織方言研究人員勒拉方言調查、資料整理分析個基礎丄，1983年開始編制，1987年完成個中國各個地區言話使用分布情況個地圖集。箇本書個主編是中國社會科學院語言研究所個李榮、熊正輝、張振興。香港朗文（遠東）出版公司勒拉1987年搭仔1991年出版過兩趟，2012年個辰光由商務印書館發行第二版。

書丄攏總有36幅四開彩色地圖，每幅圖邊丄儕有詳細個文字說明，提供人口統計、參考書目等資料。36幅圖依次好分成A、B、C三組。A組圖宏觀描繪中國境內漢語方言搭仔少數民族言話個地域分布，B組圖描繪漢語方言個分布情況，C組圖描繪少數民族言話個分布情況。