乔治·华盛顿

喬治·華盛頓（George Washington，1732年2月22號—1799年12月14號），1775年到1783年美國獨立戰爭辰光大陸軍個總司令，1789年成為美國第一任總統，來連牢著個兩屆選舉中儕獲得全體選舉團無異議支持，一腳擔任總統到1797年。渠也是一名共濟會成員。

華盛頓早年來法國印第安人戰爭中擔任英國一方個軍官。之後來美國獨立戰爭中率領大陸軍團贏得美國獨立。渠拒絕一些同僚慫恿渠領導軍事政權個提議，來1783年回到著維農山個莊園恢復平民生活。

1787年，華盛頓主持制憲會議，會議制定着美國憲法。1789年，渠畀人選為美國第一任總統，設立着蠻多點延續到今朝個政策搭傳統。來兩屆任期結束後，渠自願放棄權力弗再謀求續任。

因為來美國獨立戰爭搭建國初期發揮著最重要個作用，華盛頓通常稱為美國國父。