英国
西欧一国家 From Wikipedia, the free encyclopedia
Remove ads
英國，全稱大不列顛北愛爾蘭聯合王國（英語：United Kingdom of Great Britain and Northern Ireland；威爾斯語：Teyrnas Unedig Prydain Fawr a Gogledd Iwerddon；蘇格蘭蓋爾語：An Rìoghachd Aonaichte na Breatainn Mhòr agus Eirinn mu Thuath；愛爾蘭語：Ríocht Aontaithe na Breataine Móire；蘇格蘭語：agus Thuaisceart Éireann Unitit Kingdom o Great Britain an Norlin Airlann），是歐洲西部國家，曾經是有名個「日不落帝國」，老牌個資本主義強國。
.svg)
英國有四個構成國，分別是英格蘭、蘇格蘭、威爾斯搭仔北愛爾蘭[1]，後頭三個擁有一定個權力[2][3]。三地首府分別是愛丁堡、卡迪夫搭仔貝爾法斯特。附近個曼島、根西行政區同澤西行政區並弗是聯合王國個一部分，算皇家屬地，英國政府負責伊拉個國防搭外交事務[4]。
Remove ads
地理
英國也叫「英倫三島」（源自19世紀英格蘭、蘇格蘭、愛爾蘭），是大西洋里向個島國。國家位於歐洲西部，搭仔法國、比利時、荷蘭、愛爾蘭咾啥隔海相望。
英國個國土主要集中在拉不列顛島上向，總體上地勢比較平緩，無沒忒過高個山峰。弗過土壤也弗是頂肥沃，適合放牧，個咾中世紀辰光英國農牧業就已經邪氣發達哉。
英國資源在拉歐洲算豐富個，蘭開夏搭默西塞德地區有得煤炭，北海里向有得石油。
人口
英國乃朝個人口已經超過6200萬，個當中三分之一住在英格蘭東南部（首都倫敦就有將近800萬）。迭個裡向英國白人數量在拉弗斷低落，東歐移民數量則一徑上升。本土個少數族裔包括巴基斯坦人、孟加拉人、索馬利亞人、奈及利亞人咾啥，大部分相信伊斯蘭教，出生率高；乃朝少數族裔多數聚居拉大城市個貧民區，造成治安問題替恐怖主義問題。英國華人有靠40萬在許，以香港替東南沿海人為主。弗過近瑲，北方人也逐眼多起來哉。
歷史
英國個歷史好分成功史前階段、不列顛尼亞時代、羅馬征服、盎格魯撒克遜時代、中世紀、都鐸王朝、斯圖亞特王朝、喬治王時代、維多利亞時代以及20世紀至今幾隻部分。
經濟
2020年，英國是世界第5大經濟體。
宗教信仰
傳統上向，英國是基督教國家；但不過1950年代之後，基督教個信徒比例一直在拉降低。再加上移民個關係，乃朝英國個宗教情況邪氣複雜。
基督教
基督教在英國已經傳播仔1500多年。宗教改革之前，英國一直是天主教國家。邪氣有名個獅心王就參加十字軍東征。都鐸王朝亨利八世個改革，讓英國個教會獨立，產生乃朝個聖公會。弗過，聖公會對信徒個控制一直弗大穩固，內部還為仔禮儀問題相爭相論。天主教在宗教改革之後相當長遠一瑲里是禁止個，直到19世紀再開始復甦。20世紀90年代之後，波蘭移民個進入讓天主教開始擴張。乃朝英國有500多萬天主教徒。2000年代之後，東正教也開始迅速傳播，迭眼情況，儕是移民帶來個。本土個白人基督徒數目一徑低落，在英格蘭北許、西許，有種場許基督徒已經變成功本地個少數派。根據2014年個統計，英國人有得59%是基督徒。
伊斯蘭教
伊斯蘭依靠生育替移民，人口飛速增長。乃朝已經有得300萬穆斯林，主要來自巴基斯坦、阿富汗、孟加拉、索馬利亞等窮國，伊拉融入弗進英國社會裡向，自家合幫合淘形成功小幫派，交關穆斯林想通過排斥英國人占領英國，乃麼社會問題越來越嚴重。
其他宗教
Remove ads
參考文獻
Wikiwand - on
Seamless Wikipedia browsing. On steroids.
Remove ads