互聯網

互联网（英语：Internet），是网络交网络之间所串连成个庞大网络，昰些网络以一组标准个网络TCP/IP协议相连，链接全世界几十亿只设备，形成逻辑丄个单一巨大国际网络。该是一个网络个网络^[1]，渠是由从地方到全球范围里向几百万个私人个、学术界个、企业个搭政府个网络所构成，通过电子，无线搭光纤网络技术咾啥一系列广泛个技术联系垃一淘。昰种担电脑网络互相联接垃一淘个方法叫成功“网络互联”，垃个基础丄发展出覆盖全世界个全球性互联网络称互联网，即是互相连接一淘个网络。互联网并弗等同万维网（WWW），万维网只不过一个基于超文字相互链接而成个全球性系统，外加是互联网所能提供个服务里向个其中之一。互联网带有范围广泛个资讯资源搭服务，譬如相互关联个超文字档，还有万维网个应用，支持电子邮件个基础设施，对等网络，档共用，以及IP电话服务。

历史

垃1950年代，通信研究者认识到需要允许垃弗同电脑使用者搭通信网络之间进行常规个通信。昰个促使爻分散网络、排队论搭封包交换个研究。1960年，美国国防部高等研究计划署（ARPA）出于冷战考虑建立个ARPA网引发了技术进步并使其成为互联网发展个中心。1973年，ARPA网扩展成互联网，第一批接入个有英国搭挪威个[计算机]]。

1974年，ARPA个罗伯特·卡恩搭斯坦福个温登·泽夫提出来TCP/IP协议，定义仔垃电脑网络之间传送报文个方法（佢场垃2004年也因此获得图灵奖^[2][3]）。1983年1月1日，ARPA网担其网络核心协定由NCP改变为TCP/IP协定。

1986年，美国国家科学基金会建立爻大学之间互联个骨干网络NSFNET，个是互联网历史丄重要个一步。垃1994年，NSFNET转为商业运营。1995年随着网络开放畀商业，互联网当中成功接入个比较重要个其他网络包括Usenet、Bitnet搭多种商用X.25网络。

东亚及东南亚（中国各地区细化）历年来个网络扩散 1995-2012

1990年代，整个网络向公众开放。1991年8月，蒂姆·伯纳斯-李垃瑞士欧洲核子研究组织建立了HTML、HTTP搭最初几只网页之后两年，佢开始宣扬其万维网专案。

1993年，Mosaic网页浏览器问世哉，在1994年晚期，公共利益垃前学术搭技术个互联网丄稳步增长。1996年，“Internet”（互联网）一词畀广泛个流传，不过是指几乎整个个万维网。

伊歇，经过一个十年，互联网成功地容纳仔原有个电脑网络中个大多数（尽管像FidoNet个一排网络仍然保持独立）。昰个快速发展要归功于互联网呒没中央控制，以及互联网协议非私有个特质，前者造成爻互联网有机个生长，而后者嚜鼓励爻厂家之间个相容，并防止了某一个公司垃互联网丄称霸。

互联网个成功，可从“Internet”昰个术语个大、小写分化好窥知一二。最初，互联网只词代表伊排使用IP协定架设而成个网络，乃朝咾，渠已引申泛指各种类型个网络，弗再局限于IP网络。乃末以小写个互联网（internet，开头个“i”是小写字母）为任何分离个实体网络之集合，昰些网络以一组通用个协定相连，形成逻辑丄个单一网络。而大写个互联网（Internet，开头个“I”是大写字母）专指前身为ARPA网，后使用IP协定担各种实体网络连结成功此单一逻辑网络。大写个互联网是小写互联网个其中一种形式，反转来却弗然。2002年起，有学者开始提议担“internet”一词用小写表示，理由是互联网已经成为人类生活个一部分，失去脱专有个意义^[4]；2016年，美联社认为“互联网”已搭“电话”一样成为一样一般个物事，弗具有专属商标个意义，乃末开始垃其格式手册里向规定“internet”搭“web”一词全部小写，纽约时报乃末也跟进，^[5][6]但同时亦有媒体提出弗同意见^[7]。

互联网技术搭协议

2006年4月统计个互联网用户数量

互联网相关协议

有关互联网个协议可以分为3层：

• 最底层个是IP协定（英语：Internet Protocol，即互联网协定），是用垃报文切换式网络个一种面向资料个协定，昰只协定定义爻资料包垃网际传送辰光个格式。目前使用顶多个是IPv4版本，昰只版本里向用32位定义IP地址，尽管位址总数达到43亿，但是仍然弗能满足乃朝全球网络飞速发展个需求，噶咾IPv6版本应运而生。垃IPv6版本中，IP地址共有128位，“几乎可以为地球丄每一粒沙分配一只IPv6位址”。IPv6目前朆普及，交关互联网服务提供者并弗支援IPv6协定个连接。但是，可以预见，将来垃IPv6个帮助下头，任何家用电器侪有可能连入互联网。
• 上一层是UDP协议搭TCP协定，渠场用垃控制资料流程个传输。UDP是一种弗可靠个资料流程传输协定，仅为网络层搭应用层之间提供简单个界面。而TCP协议咾有得高个可靠性，通过为资料包加入额外资讯，并提供重发机制，渠能够保证资料弗丢包、呒没冗余包以及保证资料包个顺序。对于一排需要高可靠性个应用，可以选择TCP协议；而相反，对于性能优先考虑个应用如流媒体咾啥嚜，可以选择UDP协议。
• 最顶层个是一些应用层协定，昰些协定定义了一些用于通用应用个资料包结构，其中包括：
  • DNS：域名服务；
  • FTP：服务使用个是档案传输通讯协定；
  • HTTP：所有个Web页面服务侪是使用个超文字传输协定；
  • POP3：邮局协议；
  • SMTP：简单邮件传输协议；
  • Telnet：远程登陆等。

接入技术

网络连接技术（Internet接入技术）是用户与互联网间连接方式搭结构个总称。任何需要使用互联网个电脑必须通过某种方式搭互联网进行连接。互联网接入技术个发展邪气迅速：带宽由最初个14.4Kbps发展到目前个100Mbps甚至1Gbps带宽；接入方式也由过去单一个电话拨号方式，发展成功现在多样个有线搭无线接入方式；接入终端也开始朝向移动设备发展。并且更新更快个接入方式垃拉继续研究搭开发。

根据接入后资料传输个速度，Internet个接入方式可分为宽频接入搭窄频接入。

常见民用宽频接入：

• ADSL（非对称数码用户线路）接入，速度可以达到下载最高12Mbps，上传最高1Mbps
• VDSL（超高速数位用户线路）接入，速度可以达到下载最高100Mbps，上传最高100Mbps
• 光纤接入，接入带宽10-100-1000Mbps（常用）
• 无线（使用IEEE 802.11协定或使用3G技术）宽频接入，1.5Mbps－540Mbps
• 电力线通信接入，主干速度可以达到数百兆，最终用户速度可以达到11Mbps
• 有线电视上网（通过有线电视网络）接入，接入带宽3-34Mbps
• 人造卫星宽频接入
• 4G

常见民用窄频接入：

• 电话拨号接入，接入带宽9600-56Kbps(V.92标准)
• 窄频ISDN接入，接入带宽64/128Kbps
• GPRS手机上网，接入带宽最大53Kbps
• UMTS手机上网，384Kbps
• CDMA手机上网：（2G）cdmaOne，150Kbps
• 3G

互联网市场

• 消费者互联网

消费者互联网市场主要是指互联网丄个服务是直接服务于消费者个，譬如，Google，Facebook，搭相关互联网社交，游戏，娱乐领域。

• 产业互联网

产业互联网市场主要是指传统产业利用互联网个能力来改造内部生产流程，提高生产率，转型个一个现代化个企业形态。

网络应用技术

网络应用技术在此指称所有搭网络应用相关个技术。随着互联网个弗断发展，网络应用个多样化，以及硬件设施个飞速发展，网络应用技术也向着更多样、更复杂个方向发展。网络应用技术可能可以概括成功以下昰排技术，个概括可能并弗准确，其主要目个在于罗列与网络应用相关个技术。

21世纪家用光纤网络调制解调器

• Web技术

Web技术是顶常用个网络应用技术，渠是使用者向服务器提交请求并获得网页页面个技术总称。昰个技术可以分为两个发展阶段，俗称Web1.0搭Web2.0。第一阶段多是属于一些静态应用，譬如获取HTML页面，或者与服务进行简单个交互，像使用者登录，查询数据库，提交资料等（昰些应用也畀称为Web1.5）。第二阶段更强调使用者与网络服务器之间个互动性，甚至于网络应用程序。事实丄，Web2.0并弗是一个技术标准，渠可能使用已有个成熟技术，也可能使用最新个技术，但必须彰显互动概念。

• 网络安全技术
• 搜索技术
• 数据库技术
• 传输技术
• 流媒体技术
• 电子商务应用相关个技术
• 其它技术

互联网安全

经过多年个发展，互联网已经垃社会个各个层面为全人类提供爻便利。电子邮件、即时消息、视讯会议，网络日志（blog）、网上购物等已经成为越来越多人个一种生活方式；而基于B2B，B2C等平台个电子商务，跨越洲际个商务会谈以及电子政务咾啥为商业与政府办公创造要更加安全，更加快捷个环境。但是随之而来个弗全是正面个影响，垃圾邮件、网络蠕虫病毒、恶意程序码、恶意软件咾啥也影响着大家个正常生活。

病毒

互联网畀电脑病毒传播提供仔邪气快速迅捷个通道，病毒个破坏能力也因为网络个四通八达大大个加强。最近几年，全球多家公司蒙受巨额经济损失搭上亿台电脑丢失资料。电脑病毒比上个世纪更加具有伪装性搭感染能力，而且从被动传播向主动进攻转化。渠场甚至具有仔部分人工智能，可以判断目个电脑是否已经感染，是否有防病毒监控程序，甚至可以主动终止昰眼监控进程。

恶意程序码

恶意程序码是嵌入到网页个脚本，一般使用JavaScript编写，受影响个包括微软视窗系统个Internet Explorer流览器。渠场垃未经流览者同意个情况下头自动打开广告，开启新页面，严重影响流览者个正常访问。除此之外，渠场还通过系统调用修改流览器个默认主页，修改注册表，添加系统启动程序，设置监视进程等。但是流览器发展至今，恶意网页带来个危害已经有仔极大改观。大多数个现代流览器侪有得交关好个安全性，譬如：Google Chrome、Mozilla Firefox、Microsoft Edge等。

恶意程序

恶意程序是从恶意程序码发展出来个一种基于外挂程序技术个电脑程序，弗同个是渠场可能根本弗需要可执行档，只需要若干个动态连结程序库档（档尾码是dll）就可以借助Windows系统正常工作。

昰排程序可能是使用者无意识安装到系统中，也可能是自动被安装个。它被安装到系统中，随操作系统启动，一般昰类程序除了工作进程还会有守护进程，如果发现主进程被删除或者重命名，守护进程会自动生成一份新个拷贝，所以很难卸载，即使表面上卸载掉了，下一次系统启动时还会重新出现。

恶意程序从表现上看弗算是病毒，因为它并呒没破坏性，弗会危及系统，只不过出于商业目个，属于商业行为。但是它严重影响了电脑使用者个使用，而且如果编写弗当很容易导致系统运行变慢、性能下降，甚至给骇客留下后门。所以大部分杀毒软件把佢场当成病毒处理。

网络文化

互联网普及率

2012夏季达沃斯论坛展示网络个力量

截至2011年，互联网普及率最高个国家或城市为冰岛（97.8%）；第二至第五位分别是挪威（97.2%）、瑞典（92.9%），福克兰群岛（92.4%）及卢森堡（91.4%）。^[8]

2006年个辰光，经济合作发展组织调查显示截至2005年底，宽频上网（Broadband）普及率个前五名分别为冰岛（26.7%）、韩国（25.4%）、荷兰（25.3%）、丹麦（25.0%），以及瑞士（23.1%）。而美国垃所有工业化国家中排名第12。

网络文化

网络文化是指在网络丄发展出来个特有文化及行为。

• 因网络发展而产生个新行为：
  • 浏览网站
  • 即时通讯：能担讯息隔手传到另一方个技术。
  • 骇客：对电脑科学、程序设计搭设计方面具高度理解个人。
  • 破解者（cracker）：破坏或瘫痪网站为乐个人。
  • 快闪族：利用垃网络丄张贴消息而使一群人垃特定辰光垃特定地点作出特定个动作，大多数个快闪活动是呒没实质丄个意义。
  • 网络游戏农夫（某种程度上个职业玩家）：以出售线上游戏中个特定物品（金币、特殊物品）来赚钞票个人。

• 原有个行为转由网络作为媒介
  • 由使用传统邮件转成使用电子邮件。
  • 由在同人杂志发表文章转成利用网络发表文章。譬如：网络作家。
  • 由笔友转成网络交友。
  • 由一般个电脑游戏转成线上游戏。
  • 由邮购及直销转成网络购物。

• 因网络应用而产生个新用字行为：
  • 注音文：为仔快速打字而发展出来个特殊用字习惯，常以注音符号个子音部分来代替本字，此文体流行于台湾个网络论坛、网络聊天室及电子布告栏丄。
  • 颜文字：利用文字来组成图形以表达心情等。常见例子有得：囧、XD、︰)、Orz
  • 火星文：主要以注音文及英文字母个发音来代替中文字以达到特殊个阅读效果，但通常会造成阅读上个困难，此文体亦流行垃台湾个网络论坛、聊天室、BBS咾啥户荡。
  • 缩写：以英文为母语个网络使用者常利用字母来代表一段文字以节省打字辰光。譬如：OMG=oh my god、BTW＝by the way、FYI＝for your information。

网络封锁

网络封锁是指个别政府或者机构出于政治或者经济个原因，通过技术手段限制对某排网站或者服务个访问。

譬如垃一爿公司里向，为仔防止员工在上班辰光访问网站或使用像腾讯QQ、Skype等软件进行聊天而导致劳动效率大幅度下降，公司个网络系统管理员常庄会使用硬件防火墙封闭来自目标服务器个80端口服务或仅封锁部分网络通讯协定（像UDP），昰然几乎所有个Web服务侪会瘫痪或部分网络聊天工具弗能畀正常连线，公司个员工就弗能垃上班辰光访问WEB页面或仅可以访问WEB页面但弗能使用聊天软件。一方面降低公司互联网接入个流量，另一方面可以让员工安心工作。

垃某排国家，像中华人民共和国、沙特阿拉伯政府认为有些敏感资讯（政治、宗教咾啥）弗能散布到国内民众中，噶咾昰排国家政府利用资讯技术过滤、封锁脱一些包含敏感资讯个国内、国外网站，以防止民众访问到昰排网站^[9]。然而个别国家，像朝鲜咾，完全禁止普通民众访问境外网站，民众只能访问国内由政府开设个网站^[10]。

主要技术搭形式

• 端口封锁、IP封锁
• DNS域名劫持
• 关键字报文过滤
• 流量监控
• 访问策略

主要对策

• 代理服务器（借助国外主机转发资料）
• 资料加密（借助加密软件）
• 使用安全连接（VPN或者HTTPS）
• 分散式访问

网络内容审查

网络内容审查是一种对网络承载个内容进行审查，并对部分内容进行过滤、删除、关闭等行为，内容审查常庄伴随爻对相关人员与组织个行政处理。网络审查主要针对危害国家安全、侵犯版权与个人隐私、通过网络进行违法活动以及对弗道德个行为进行宣传搭教唆等行为。交关国家侪有得相关立法，并且在政府设有相关部门进行监控搭管理。垃中国，公安部门、国安部门及新闻宣传等部门联合承担相关行政权责，并辅以防火长城等技术手段对网络活动进行严密监控。然而对网络内容个审查垃一定程度丄限制了言论个自由，在何种程度上、采取何种手段进行网络审查一径是争议个话题。垃美国，由美国国家安全局（NSA）为首自2007年起开始实施个最高机密等级电子监听计划，该计划可监听美国本土以外个使用者、或任何与国外通讯个美国公民。参与此计划个前中情局（CIA）特工斯诺登在2013年5月担档案复制后前往香港并担此计划公诸于世，然后于2013年6月6日，在英国《卫报》搭美国《华盛顿邮报》公开^[11]。