什叶派

什葉派（阿拉伯文：الشيعة‎ Shīʿah）是回教個第二大教派，迭個詞彙個意思是追隨個人，來勒歷史高頭曾經出現過交關稱謂，比方講：「穆阿維耶什葉」、「奧斯曼什葉」和「阿里什葉」等，目前專門指擁護阿里個人，伊拉搭遜尼派一道，是回教兩大教派。一般認為什葉派人口佔全世界穆斯林人口個10-15%。

什葉派相信「伊瑪目」會重回人間，來拯救信徒。對於歷史高頭到底有幾個伊瑪目，有「五伊瑪目派」、「七伊瑪目派」、「十二伊瑪目派」。伊朗相信咯是十二伊瑪目派。

分布

什葉派主要分布來勒四個國家：伊朗、伊拉克、敍利亞、黎巴嫩。形成一個明顯個星月形狀。來勒伊朗，什葉派具有國教個地位。另外什葉派垃阿拉伯半島也有分佈，如垃也門個宰德派，搭沙特阿拉伯，阿拉伯聯合酋長國了啥有至少一成人口是什葉派，弗過常常畀遜尼派統治精英打壓，尤其垃沙特畀瓦哈比派忌憚，以致乃朝弗多人曉得迭拉地區個什葉派存在。

中國穆斯林主要是遜尼派，但也有什葉派分布，包括塔吉克族人，回族人中也有一小部分。