回族

回族（小兒經：حُوِحُوِ, 、حواري, خوارزمي ，khwārī；東干文：Хуэйзў）是內亞東部邊緣個黃土高原搭河西走廊作為聚居區域，並擴散到黃河流域各地個一個族群。迭個族群，按照伊拉自家講法，是元朝辰光靠中亞個色目回回駐防後代建立起來個。弗過，立在之後個幾百年當中，迭個族群除脫繼續信仰回教之外，其餘基本儕搭當地個其餘居民差弗多。到中華民國辰光，回回一般用來稱呼乃朝個維吾爾人。弗過，1949年之後民族認定，拿講漢語個穆斯林（也包括一眼眼講另外個閒話個人，譬如回輝人）認定成回族哉。

回族

同治回亂

1860年代，立在黃土高原陝西省、甘肅省聚居個回回發動種族屠殺搭大規模叛亂，殺脫當地個漢人交交關關，之後遭到左宗棠鎮壓，造成黃土高原搭河西走廊回回分布徹底變動。

回族名人

• 白彥虎:同治回亂頭目，因為兩趟去挖掘黃帝陵出名。
• 張承志:作家，早年為紅衛兵、造反派，後勢來「回歸」回教，拿回教批鬥中華文明，並強烈反西方所謂「文化侵略」出名。
• 馬德華：演員，1980年代《西遊記》當中豬八戒個扮演者。