代数

代數是一個較為基礎個數學分支。渠個研究對象有交關多。諸如數、數量、代數式、關係、方程理論、代數結構等等都是代數學個研究對象。

初等代數一般拉中學時講授，介紹代數個基本思想：研究當我伲對數字作加法或乘法辰光會發生什麼，搭子了解變量個概念搭如何建立多項式並找出渠拉個根。

代數個研究對象弗僅是數字，還有各種抽象化個結構。例如整數集作為一個帶有加法、乘法搭序關係個集合就是一個代數結構。

歷史

代數個起源可以追溯到古巴比倫個時代，當時個人們發展出了較之前更進步個算術系統，讓渠能以代數個方法來做計算。相對個，迭一時期大多數個埃及人搭公元前1世紀大多數個印度、希臘搭中國等數學家則一般是以幾何方法來解答此類問題。

代數（algebra）字源從阿拉伯語單字「al-jabr」，出自 al-Kitāb al-muḫtaṣar fī ḥisāb al-ğabr wa-l-muqābala迭本書個書名上，意指移項搭合併同類項個計算摘要。渠是波斯回教數學家花拉子米於820年所著。

代數更進一步發展個另一個關鍵事體是拉拉三次搭四次方程個一般代數解。渠拉16世紀中葉發展。行列式個概念是從17世紀個日本數學家關孝和開始發展。