数学

數學麼，是一門關於數量、結構、空間搭仔改變個學問。

來世界上多數個場化，從蠻早個辰光開始就有得交關人曉得基礎個數學，而且會得用哉。來老早個埃及、兩河流域搭仔印度，第眼文明里向個文本，就曾顯示出來基本概念個進步。後歇來麼，數學過歇就會得有一個小突破，直到16世紀附近個文藝復興以後，科學裏向有交關發現，促使大家對數學個理解有本質性提高。

數學個言話

我里現在用個數學記號麼，直到16世紀，再基本浪有一個雛形。老早個辰光，數學儕是用說話寫出來個。第個過程相當吃力，所以麼箇歇數學個發展就比較慢。而對於剛剛接觸數學個人來講，現在個記號顛倒是比較吃力，雖然居種記號專業個人看着蠻適意。

對於剛剛學個人，學數學個言話還是一樁牢吃力個事體。比如講，平日講個「或者」啊，「僅」啊，勒數學裏向個意思就要精確一眼。而「開」啊，「連續」啊，會得有相當專業個意思。而且數學個術語裏向，還有得啥「同構」啊，「可積」啊第種詞。