公共脚踏车

公共腳踏車（英語：bicycle-sharing system或者public bike share，縮寫PBS），又叫公共單車、共享單車、共享腳踏車、共享自行車，一種老百姓租賃腳踏車使用權個服務。公共腳踏車大致分成兩種。一種是本地社群團體、非營利組織或者政府機構來組織個，主要是非盈利性質個；另外一種是私人盈利公司提供個腳踏車短辰光租賃服務，是盈利性質個。世界上第一座公共腳踏車系統是2005年5月份法國里昂設置個公共腳踏車系統。

一部杭州公共腳踏車

蘇州個公共腳踏車服務點

杭州地鐵彭埠站附近個明月橋路浪停拉個哈羅單車

共享腳踏車計劃主要想解決私人腳踏車個缺點，比方講偷脫、維修保養、嘸沒地方擺車子咾啥。必過，租借同歸還地點個數量有限，車子數量有限等地讓共享腳踏車本生弗比私人自行車便利幾許。弗定點擺樁個共享單車倒是種新興個腳踏車分享形態，更加靈活便當，缺點麼，隨便停車會得產生交通堵塞，拿人行道儕停唻滿滿當當；運營維護成本高；廢脫個車子多，而且嘸沒啥統一標準，零件拆下來也嘸沒辦法用咾啥個。

維基共享資源里向尋得著搭該篇文章搭界個多媒體資源：

共享單車