利古里亚

利古里亞(利古里亞文：Ligûria，意大利文：Liguria）是歐洲大陸南面挨牢地中海北岸個一片區域，西面搭普羅旺斯靠緊，東面連接亞平寧半島。立在歷史浪有交關文明融匯，中世紀辰光是熱那亞共和國個領土，後勢來畀薩丁王國兼吞，成為乃朝意大利個一部分。弗過，利古里亞西面個尼斯、摩納哥等地區，乃朝已經弗屬於意大利管轄哉。迭個區域個中心城市是熱那亞，通用利古里亞文，弗過因為意大利推普個關係，乃朝用意大利文個人更加多一眼。