地中海

地中海是一个北面拨欧洲大陆，南面拨非洲大陆，東面拨亚洲大陆围牢个海。从东到西大样模有4000公里，南北最阔个地方就大概有1800公里，面积有251.6万平方公里，是世界浪最大个内陆海。地中海西面，经过直布罗陀海峽，搭大西洋相连，而东面就通过土耳其海峽搭黑海相连。19世纪，埃及个苏伊士运河开通，地中海搭红海连了一道哉。地中海是世界上最古老个海域之一。

地中海个卫星地图

得名

地中海，英文名是Mediterranean Sea，出自拉丁文个mediterraneus，表示是「陆地个中间」（medius表示中间，而terra表示陆地）。搿个名字邪气贴切个形容地中海个地理形式状况。

沿岸个国家

• 欧洲国家：（从西往东排）西班牙、法国、摩納哥、意大利、 马耳他、斯洛文尼亚、克罗地亚、波黑、黑山、阿尔巴尼亚、希腊。
• 亚洲国家：（从北往南排）土耳其、叙利亚、黎巴嫩、塞浦路斯、以色列搭巴勒斯坦自治政府。
• 非洲国家：（从东往西排）埃及、利比亞、突尼斯、阿尔及利亚、摩洛哥。

维基共享资源里向寻得着搭该篇文章搭界个多媒体资源：

地中海