北条氏康

北條氏康（日文假名：ほうじょう うじやす，羅馬字：Hōjō Ujiyasu，1515年－1571年10月21號）是日本戰國時代個有名封建主搭仔大名。伊是後北條氏第三代家督，在拉小田原城出生，領導後北條氏搭室町幕府關東管領上杉氏山內上杉家、扇谷上杉家、越後守護長尾氏、甲斐守護武田氏、駿河大名今川氏，以及關東地方近邊個諸侯爭鬥，在拉搭甲斐之虎武田晴信、越後之龍長尾景虎、東海道第一弓取今川義元爭鬥個階段，一直好立在弗敗之地，畀別人叫做相模之獅。伊個經營，也讓後北條氏在拉關東地區繼續擴張。

北條氏康

後代

氏康娶仔今川氏親個囡兒瑞溪院，養仔交關小囝。男小囝長大成人者包括後來繼任家督個氏政、氏照、氏邦、氏規、氏忠、氏光，以及過繼畀越後（乃朝新潟縣）國主上杉謙信當過房兒子個三郎景虎咾啥；女小囡包括嫁畀今川氏真當正室個「早川殿」搭嫁畀武田勝賴當繼室個「桂林院」咾啥。