半岛战争

半島戰爭是拿破崙戰爭辰光，發生來勒伊比利亞半島高頭個一場大規模全面戰爭。戰爭個一方是侵略個法蘭西第一帝國，反抗個一方是西班牙王國、葡萄牙王國搭英國。戰爭從1808年持續到1813年，最終個結果是拿破崙扶植個西班牙王國畀滅脫，半島人民獲得自由。迭個戰爭把西葡人民邪氣大個打擊，間接造成南美地區分離運動加劇，並埋下19世紀西班牙個社會動盪個禍根。

起因

法國來勒拿破崙上台之後，一直對擴張侵略別個國家有邪氣大個興趣。到1806年，法國對一直搭英國結盟個葡萄牙王國邪氣弗満，希望拿伊拉滅脫。正好，迭個辰光西班牙王國王室也有交關內部問題。所以，拿破崙叫西班牙國王搭太子到法國讓伊自家來調停，隨後囚禁伊拉，又派自家個軍隊到西班牙，開始遙控統治。西班牙人民逐漸察覺到法國人個惡劣行徑，紛紛開始抗擊侵略軍隊。法國弗斷對西班牙增兵，又讓拿破崙個阿哥當所謂個西班牙國王。導致全面個戰爭爆發。