吴稚晖

吳稚暉（1865年3月25號—1953年10月30號），名字叫敬恆，還有一名叫做脁，字稚暉。籍貫常州府武進縣，出生勒武進搭無錫交界處個雪堰橋。伊是清朝晚期個秀才、舉人，後頭參與政治活動，是中華民國來勒國民政府辰光個政要，也是中央研究院院士。

吳稚暉像

熱心教育

吳稚暉邪氣關心教育個發展，年輕辰光曾經開設教館教老小，後頭又來勒南洋公學當老師，還當過國語師範校長，擔當唐山礦路學校教席，創辦里昂中法大學以及主持海外預備學校，到老年，又來勒台灣擔任「兒童團長」教習稚童。有文章認為，伊介歡喜教育，搭伊是無政府主義者有關係。伊認為「一國之盛衰，推其原者，莫不比較之於教育」，「教育之於國家盛衰，實為其總因」。蓋咾，實現無政府主義個理想途徑就是道德教育。^[1]

家庭

吳稚暉有一個兒子一個囡，兒子名詳，字叔薇，囡名笑，字孟蓉。^[2]

吳稚暉夫人袁氏搭囡後首來蹲勒上海環龍路（難朝南昌路）屋裏，袁氏勒1952年走脫。文化大革命個辰光，吳孟蓉畀紅衛兵批鬥，受足折磨，到1973年走脫，享壽86歲。^[2]