吴稚晖

吴稚晖（1865年3月25号— 1953年10月30号），名字叫敬恒，还有一名叫做脁，字稚晖。籍贯常州府武进县，出生勒武进搭无锡交界处个雪堰桥。伊是清朝晚期个秀才、举人，后头参与政治活动，是中华民国来勒国民政府辰光个政要，也是中央研究院院士。

吴稚晖像

热心教育

吴稚晖邪气关心教育个发展，年轻辰光曾经开设教馆教老小，后头又来勒南洋公学当老师，还当过国语师范校长，担当唐山矿路学校教席，创办里昂中法大学以及主持海外预备学校，到老年，又来勒台湾担任“儿童团长”教习稚童。有文章认为，伊介欢喜教育，搭伊是无政府主义者有关系。伊认为“一国之盛衰，推其原者，莫不比较之于教育”，“教育之于国家盛衰，实为其总因”。盖咾，实现无政府主义个理想途径就是道德教育。^[1]

家庭

吴稚晖有一個兒子一個囡，兒子名詳，字叔薇，囡名笑，字孟蓉。^[2]

吴稚晖夫人袁氏搭囡后首来蹲勒上海环龙路（难朝南昌路）屋里，袁氏勒1952年走脱。文化大革命个辰光，吴孟蓉畀红卫兵批斗，受足折磨，到1973年走脱，享寿86岁。^[2]