土耳其

土耳其自稱來自中國歷史高頭個突厥部落，弗過根據現代DNA檢測，土耳其人基本嘸沒突厥人血統。土耳其人是小亞細亞個入侵者，從1071年擊敗拜占庭帝國開始，逐漸拿小亞細亞突厥化。到13世紀，一個叫做奧斯曼個部落崛起，後頭逐步興盛，建立空前個帝國。

奧斯曼帝國

奧斯曼帝國個歷史搭現在個土耳其有邪氣大個關係。現在個土耳其人，基本就是迭個辰光發展開來個。奧斯曼帝國通過暴力手段，強迫境內個基督徒服從伊拉個統治。伊拉拉攏聽話個阿爾巴尼亞人，潛隱默化讓交關民族皈依回教。對拒絕皈依又反抗個希臘人、亞美尼亞人進行殘酷鎮壓。

奧斯曼帝國切斷西方搭東方個聯繫，直接造成文藝復興搭大航海時代個來臨。該帝國對西方個變化嘸不啥興趣，頂大個愛好就是征服歐洲，傳播回教。從1453年滅亡拜占庭帝國開始，一直到1683年畀波蘭國王來勒維也納擊敗，奧斯曼帝國一腳來上進攻歐洲。頂大個辰光，奧斯曼帝國搭伊個附屬國克里木汗國佔據東歐大部分領土，對東歐造成嚴重破壞。

到18世紀，奧斯曼帝國國力越來越推板。蘇丹畀大臣架空，成為擺設。國內反抗此起彼伏。到19世紀，東歐個民族終於來勒歐洲列強個幫助下一個一個獨立。奧斯曼帝國惱羞成怒，來勒1914年開始對國內個亞美尼亞人進行大屠殺。迭個事件曉得個人弗是老多，弗過奧斯曼帝國個殘酷阻止弗落伊拉軍事高頭個無能搭愚蠢。一戰結束，奧斯曼帝國戰敗，畀列強瓜分。

凱末爾搭土耳其

來勒滅國個危機關頭，凱末爾成為土耳其個民族英雄，伊擊敗希臘人，搭蘇聯媾和，又搞西化改革，終於讓土耳其走上正常國家個發展道路哉。具體浪，伊強行讓土耳其個老百姓使用新式個拉丁字母，強行讓女人來勒公共場合弗著頭巾面紗。又普及基礎個教育制度，引進西方個制度。對外方面，主張中立，同時搭伊朗個巴列維王朝保持良好個關係，伊點儕讓土耳其成功個實現現代化轉型。第二趟世界大戰辰光，土耳其宣布中立，之後加入北約，成為冷戰當中對抗蘇聯集團個重要前沿。

土耳其來勒法律層面高頭是一個民主國家，自從1923年土耳其共和國建立開始，迭個國家就有邪氣強烈個世俗主義傳統。法律同時規定，土耳其政府個一個重要職責就是維護國家個統一搭穩定。土耳其總統是一個榮譽頭銜（雖然2014年之後有所變化），任期5年。

實行三權分立個制度。政府個實際行政權力由土耳其總理搭著伊組建個內閣掌握。最高法院對一切法律具有最後個解釋搭裁決權力。總理是通過國會提名選舉產生個。所以，擁有最多席位個政黨就好選擇自家個領導人成為總理。現在掌控政權個是具有保守背景個正義搭發展黨。

軍事

土耳其現在有整個歐亞大陸前五個軍事實力，搭中國、俄羅斯、印度、巴基斯坦、伊朗水平相當。土耳其還是北大西洋公約組織個成員國，並且擁有僅次於美國個頂龐大軍隊。2011年，土耳其個軍隊數量接近50萬人。

歷史

奧斯曼帝國

凱末爾搭土耳其

政治

軍事

相冊

Wikiwand - on