復旦大學

復旦大學是一所上海個大學，渠創建嘞1905年。渠隻名字：「復旦」，出自《尚書大傳•虞夏傳》《卿雲歌》裏向個名句——「日月光華，旦復旦兮」，意思是華夏學子，要自強不息，發奮圖強，以學救國。

校徽

校訓是：「博學而篤志，切問而近思」，語出——《論語》裏向個《子夏篇》——「博學而篤志，切問而近思，仁在其中矣。」。

歷史

復旦大學成立於1905年，開始辰光是搭徐匯天主教有關係個教會背景震旦大學，後頭馬相伯獨立出來。成立復旦。 老早是一所一般性學堂，弗過到了1950年代，嘞嘞院系調整個浪潮裏向畀歸納爲綜合性大學，一記頭就結棍起來了。

現狀

該學堂現在是教育部搭上海市共建個首批全國重點大學，2013年，學堂裏有普通本專科生1.41萬人，研究生1.48萬人，其中留學生3000人左右。教職工5800人，專任教師2700人。中國科學院、中國工程院院士34人，教育部「長江學者獎勵計劃」特聘教授99人，「國家重點基礎研究發展計劃（含重大科學研究計劃）」專案首席科學家30人。現有15位學科領域進入ESI全球前1%，數量嘞嘞全國是第二位，理工科有3個學科是世界前100名。^[1]