多尔衮

多爾袞（1612-1650），滿洲愛新覺羅氏，努爾哈赤第十四子，皇太極個同父異母阿弟，娘是為努爾哈赤大妃阿巴亥，同母兄英親王阿濟格，同母弟豫親王多鐸。初稱台吉。1626年封貝勒，後因戰功封「和碩睿親王」。

伊擔當順治攝政個辰光，明帝國被李自成滅脫，伊趁機發動清軍入關，並且拿首都從盛京遷到北京。拿東亞大陸確立清朝個統治地位。現在故宮東面南池子大街西面個普度寺，老早就是多爾袞來勒北京城個宅邸。

評價

多爾袞是滿洲帝國征服東亞大陸個決定性人物，但帝國文人對伊個評價並弗是老高，伊拉認為，伊有「六大弊政」^[1]，薙髮、易服、圈地、占房（侵占房舍）、投充（搶掠漢人為奴隸）、逋逃（逃人法），延續時間最長的，是逃人法。順治七年六月，廣西巡撫郭肇基等人因為「擅帶逃人五十三名」，畀處死^[2]。順治十年，天降大雨，「直隸被水諸處，萬民流離，扶老攜幼，就食山東。但逃人法嚴，不敢收留，流民啼號轉徙」^[3]。

屠江南

多爾袞血洗江南，指示揚州十日、嘉定三屠^[4]，對吳越人犯下邪氣大個罪行。