大汉族主义

大漢族主義，又稱大漢沙文主義（英語：Han chauvinism）、漢人優越主義搭漢人至上主義，是一種漢民族主義個意識形態，為大民族主義個一種。

皇漢是21世紀開始流行來勒網浪向個一種稱呼，具體包括漢民族主義者、大漢族主義者、中國傳統文化愛好者等等。這些人對當前個漢族文化狀態表示弗滿意，認為需要通過國學復興，強調漢族個主體民族地位，來讓中國成為世界強國。

觀點

皇漢擁有一套伊拉遵循個價值觀念，具體表現為文化保守主義，道德復古主義，漢本位意識、以及國族認同高頭。

對江南個態度

皇漢當中，有相當一部分人來自現在個吳越文化地區，這些人，認為吳越文化是漢族文化當中重要個組成部分，弗存在啥差別，而且是漢文化個核心。伊拉以明帝國滅脫之後江南地區對滿洲帝國個反抗活動，以及大量弗服從滿洲帝國個官僚士紳作為楷模，證明伊拉個漢心。

來勒對待江南個文化高頭，主要分成兩派，一幫人認為江南文化受到南面個污染，弗是華夏正統，過於軟弱，遵循迭個觀點個，大部分是中原等地區個皇漢。同樣，伊拉認為吳語也是一種方言，沒有保護個必要，國家應該推廣普通話，實現大一統。

另一幫人認為江南文化是華夏正統，是老早文化個嫡傳。迭幫人大部分是南面，尤其是江南本地個皇漢。伊拉認為本地個方言有保護個必要，主要意義是因為這些方言裡向有交關中古漢語個遺留，是漢文化個體現，比北方受到胡人影響個語言更能夠代表漢文化。弗過，這些人對江南個本地意識也沒多少興趣，伊拉歡喜拿北方弗認為江南是華夏正統個人群當成胡雜，認為伊拉是受到滿洲污染個人。

傳播

《明朝那些事兒》書出現之後，聲稱歡喜明朝搭漢文化個年輕人開始增多，交關人儕接受皇漢思想個影響。