安庆市

安慶市，是東亞淮河南面，挨牢長江北岸個一個沿江城市，乃朝歸中華人民共和國安徽省管轄，級別是地級市。

Bridge on the Yangtze River in Anqing Anhui China

歷史沿革

安慶迭作為一個行政單位開始出現個辰光是比較晚個。來勒南宋紹興十七年，再開始有「安慶軍」迭個名號，到了1195年又改為「安慶府」。到1260年，安慶城再遷到難朝個位置。從此之後一直到清末，安慶儕作為安慶府所在，明末之後，布政使開始駐紮在安慶，清朝辰光江南分省，安徽省省會又定在安慶，迭個一段辰光是安慶歷史高頭個黃金年代，安慶搭重慶、武昌、南京一道，是長江高頭頂大個城市，也是一個航運中心。

太平天國讓安慶元氣大傷，之後安慶個省會地位又被合肥奪脫。難朝安慶已經從老早個輝煌中跌落，成為一個典型個三線城市哉。

地理

安慶個西面搭北面儕是大別山環繞，南面是滾滾長江，沿江稍許有一些平原。安慶屬於亞熱帶季風氣候，四季分明。但由於大山大河個關係，自然災害也是弗少個。

經濟

農業是安慶大部分呢地區主要個經濟來源。種植品種包括油料、棉花、茶葉等。工業個發展比較緩慢，弗過近10年增長邪氣快。第三產業雖然你來勒歷史高頭有輝煌個經歷，但行政中心個搬遷搭長江商運衰退讓安慶個商業並弗出挑。

教育

有安慶師範學院等高等學堂以及安慶一中等重點高中。

文化

安慶文化是下江文化個一個重要組成部分，帶有明顯個南北夾雜特點。安慶地區個方言難以歸類，雖然普遍認為伊拉講個是下江官話，弗過近來學者認為更應該被歸到黃孝片去。安慶是黃梅戲個重鎮，建築風格高頭受徽州交關影響。