安庆府

安慶府，是近古時代，勒東亞大陸中古後期到廿世紀初存在過個一個行政區劃，具體位置勒現在安徽個安慶市搭周邊地區，北面挨勒廬州府，南面搭池州府隔江相望，西南面靠近江西個九江府。

安慶府個治所就勒安慶

設置搭撤銷

安慶府是南宋辰光設置個。慶元元年（1195年），拿安慶軍升級為安慶府，治所勒懷寧縣（乃朝安徽省潛山縣），景定元年（1260年）移到乃朝個安慶市。轄境相當安徽省個岳西、桐城兩縣市以南，樅陽縣以西，長江以北個地區。到元帝國個至元十四年（1277年），畀蒙古人升為安慶路。

元帝國後期，至正二十一年（1361年），盤踞淮西地區個朱重八拿此地改叫寧江府，次年，重新改回安慶府。明帝國時期，安慶府下頭有6個縣：懷寧縣（首縣）、桐城縣、潛山縣、太湖縣、宿松縣、望江縣。

到清帝國，此地勒18世紀成為安徽巡撫駐地，也因此成為安徽省個首府。18世紀開始繁榮，弗過，19世紀，因為太平天國個關係，受到邪氣大個衝擊，19世紀後半段，慢慢衰落，1910年代初，清帝國完結之後，安慶府個建制，也畀撤銷。