宦官

宦官(英文：Eunuch）是東方帝國長期存在個一種宮廷侍從，伊拉通過閹割自家個生殖器，獲得進入內廷或者後宮服務個機會。宦官個歷史由來已久，立在中東、印度搭東亞超過兩千多年。拜占庭帝國、波斯帝國、奧斯曼帝國儕有大量宦官。奧斯曼帝國圈養個宦官多數來自非洲或者歐洲，成為廢立蘇丹個一大勢力。

The Kızlar Ağası, head of the black eunuchs of the Ottoman Imperial Harem. The title literally means "Chief of the Girls".

東亞宦官

宦官勒拉中國也叫做太監、公公、寺人、閹人、內臣、內官、內侍、中官、中涓、內豎及中貴人等，是古代宮廷里向為皇室服務，外加畀閹割個男性。宦官是負責宮廷里向雜七雜八生活個奴僕，不得參與國家政務，只弗過因為伊拉交皇室朝夕相處，所已能博取信賴或者有機可乘，所以歷史浪向也存在有得宦官掌握國家政務大權個情況。

中國前開頭辰光宦官不一定儕是閹人，到仔東漢以後才統統用閹人做宦官。到了明朝還有得「淨軍」一詞，是指由太監組成功個軍隊。^[1]唐甄勒拉《潛書》裡向箇樣子描繪太監：「望之不似人身，相之不似人面，聽之不似人聲，察之不近人情。」

用閹割過個男人作為宮廷內侍也弗是中國獨有產物，古希臘、羅馬帝國搭東羅馬拜占庭帝國個宮廷里向儕有得太監，甚至拜占庭法院里向還有得交關太監職員，也有得一眼被重用當大官。老早仔朝鮮、越南個皇室也歡喜用去勢個男性作為內待，埃及、波斯、印度，土耳其等古文明儕曾經有得相同個做法。聖經新約里向也有得向從非洲埃塞俄比亞來個太監傳福音個記述。英文裡向太監（eunuch）一字就是從希臘文「守護床個人」轉變過來個，由此看出宦官勒拉中外本生儕是為了保護後宮貞節、皇族血統而存在個。土耳其人用個是黑人太監，名為諸女領班，也有得白人太監，但是黑人人數多，勢力也比較大。另外，勒拉古代也弗是所有個國家個皇宮內院儕有得所謂個宦官，譬如像日本個江戶幕府時期負責將軍後宮（也就是大奧）個一切事務全部由女官負責，男性除脫一眼特殊情況以外一律禁止進去。

至於「太監」第個名稱，最早出現勒遼，本生是一個政府高級職位個名稱，並弗一定由宦官擔任。到了明朝個辰光，級別低個宦官叫「少監」、「中監」，級別高個宦官才叫「太監」；隔手「太監」變成功仔高級宦官個稱謂，到了清朝個辰光，宦官統稱為太監，變成功宦官統稱。

中國宦官歷史

勒拉中國，商朝辰光個甲骨文里向曾經出現「凸刀」字，伊個意義搭閹字相通，說明當時已經有得拿人閹割；但是還嘸沒用伊拉作宮庭內侍個記述。西周個辰光開始有得使用閹人個記載，《周禮》裡向有得「宮者使守內，以其人道絶也」。當時辰光個閹人畀用來作「寺人」、「內豎」、「閽人」等職務，但是人數弗多外加地位低下，只弗過是負責雜役、傳令等工作，是家臣個一種。跟勒專政王權個發展，到了戰國、秦朝個辰光，受宮刑個人大量增加，使用閹人個機構也增多，閹人當政也開始出現。

到了漢朝個辰光，侍候皇帝個人統一被叫作「宦者」或者「宦官」。據說第個名字是出自拱衛勒拉天帝星旁邊一個叫「宦者」個星座。東漢個辰光，規定宦官全部要用閹人，大規模宦官當政也勒拉第個辰光第一趟出現，東漢末年成為宦官搭外戚之間彼此廝殺個舞台，稱為「第一次宦官時代」。

唐代開始有得所謂個「市舶宦官」，即「中人之市舶者」^[2]，專門負責管理東南沿海地區海外貿易，《資治通鑑》亦載：「唐置市舶使於廣州，以收商舶之利，時以宦者爲之」^[3]。韋某是有史可考的第一位市舶宦官^[4]。之後，勒拉唐代安史之亂以後再次出現大規模宦官當權，稱為「第二次宦官時代」。箇是由於唐代後期宦官自殿中監李輔國開始掌握了軍權，「寶印符契，晨夕軍號，一以委之」^[5]，日後宦官弗光總領神策軍，而且還組建牙隊，最後形成功專權，甚至有得立廢皇儲個權力，唐文宗甚至稱自己不如周赧王搭漢獻帝。

宋代對宦官參政防範較嚴，宋太祖不許宦者「預政事」，宦官到一定年資必須轉出外任。故宋代儘管有得童貫、梁師成等禍國宦官，但是宦官個權力並嘸沒凌駕於宰相之上個權勢^[6]。

至於「太監」此一名稱，最早出現於遼，本生是政府高級職位個名稱，並弗一定由宦官擔任。到了明朝個辰光，宮廷里向設立十二監二十四衙門，提領者被稱為掌印太監，儕由宦官出任。級別低個宦官叫「少監」、「中監」，級別高個宦官叫「太監」；從第個辰光開始「太監」變成功高級宦官的稱謂，後手來變成對宦官個統稱。

宦官勒拉明代發展到頂峰，儘管明太祖明令禁止宦官干政，但是明成祖即位仔以後開始重用宦官。明朝前開頭交趾監軍馬騏激發交趾人起兵脫離中國獨立，明朝最後辰光曾經有過宦官數萬名，根據王世貞《龠山堂別集·中官考十》記載：「南海戶淨身男九百七十餘人復乞收入。」宦官遍佈政府各部門，以太監充任個特務分佈全國，尤其是勒拉天津、泉州、寧波、廣州等對外商船貿易海港港口必定派駐「稅監」太監^[7]，稱為「第三次宦官時代」。崇禎好幾趟怒斥太監：「將我祖宗積蓄貯庫傳國異寶金銀等，明比盜竊一空。」宦官時代個結束，一定是王朝的覆亡。王夫之在《沿書引義·舜典四》中針對太監議論：「宮刑施之，絕人生理，老無所養，死無與殯。無罪之鬼，無人除墓草而奠懷染。故宮者，均於大辟也。且宮刑之後，二氣時乖，肢體外痿，性情內琢。故閹瘸之子，豹聲陰鷙，安忍無親。且刑人並齒於天地之間，人道絕而發已凋、音已雌矣，何懼乎其不冒死而求逞於一朝？而又美其名曰，姑且憐其無用，引而置之官府之間，不知埋下禍根深矣。宦寺之惡，甚於士人，只因其無廉隅之借，子孫之慮耳，故憫不怕死，何況乎其以淫而在傍君主之側耳。」

到了清朝個辰光，宦官統統稱為太監。清朝對太監控制了十分嚴格，除脫清末有一兩個受寵個太監外，宦官弄權個情況嘸沒出現。

民國政府擬定個《清室優待條件》第六條規定宣統帝退位仔以後「以前宮內所用各項執事人員，可照常留用，惟以後不得再招閹人。」民國初年袁世凱稱帝個辰光，宣佈宮中永遠不用宦官，宮中僕役全部由女官擔任。滿洲國時期，滿洲國帝宮內仍就有得太監，不過人數減少。且當時國民政府搭滿洲國政府不相交通，不通郵電，所以有關伊個辰光太監個情況，一無所知^[8]。