左翼

左翼，又称左派，左派支持平等原则搭平等主义，搭右翼相对。是指反对派里向个激进派，甚至是革命党，想反转社会秩序个人。广义是指弗服从于当时奉行个政治体制，倾向于改变传统社会秩序个人，便会视为左派。左派交右派侪是相对而言，在弗同背景下头两者主张个具体内容弗会相同，弗能以静态个“主义”或“阶级”划分。

在历史弗同个时间点及弗同个国家，左派以弗同个形态出现，共同特征皆是反政府。“左派”只名词是来自法国大革命辰光，在议会中坐在左侧，反对当时法国个君主制，支持共和制、反教权搭世俗化个人，昰些反对党就称为左派，而议会右侧是保王党议员，代表保守个政治力量。在资本主义国家，会称反资本主义个激进社会主义政党是左派。在二十世纪初个俄国共产主义革命时代，反对及要推翻俄国沙皇皇室个共产主义革命政党，貤称为“左派”。