巴黎大学

巴黎大學(西文：Universidad de París）是歐洲國家法國首都巴黎個一所世界聞名學堂。迭個學堂是13世紀開始辰光，法王費力二世創辦個，目的是增進自家統治范偉內個教會聲望搭培養文人。1215年，得到教宗英諾森三世個確認。到13世紀後半段，成為西歐頂頂有名個學堂之一。文藝復興辰光，迭個學堂成為反對基督教宗教改革個大本營。有名個耶穌會創始人羅耀拉，就是立在巴黎大學進修之後，去蒙馬特山成立耶穌會個。18世紀，巴黎大學成為保守分子個主場。弗過1789法國大革命之後，反過來成為進步文人量產自由主義個核心單位。19世紀之後，巴黎大學規模越來越大，引發法國教育資源集中個毛病。20世紀之後，慢慢拆開來，成為蠻多大學組成個一個聯盟。乃朝巴黎大學個核心主體還是立在塞納河左手邊個拉丁區。